Read luganda Zabbuli 75 Bible Online

Zabbuli 75 - luganda bible

Zabbuli 75

¹Ya mukulu w'abayimbi; ey'ekyalutasutesi. Zabbuli ya Asafu, oluyimba Tukwebaza, ai Katonda; Twebaza kubanga erinnya lyo liri kumpi: Abantu boogera ku bikolwa byo eby'ekitalo.

² Bwe ndiraba ebiro ebyateekebwawo, Ndisala emisango egy'ensonga.

³ Ensi n'abantu bonna abagituulamu biweddewo: Nze nsimbye empagi zaayo. (Seera)

⁴ Nagamba ab'ekyejo nti Temugiranga kyejo: N'ababi nti Temuyimusanga jjembe:

⁵Temuyimusanga waggulu jjembe lyammwe Temwogeranga n'ensingo enkakanyavu.

⁶ Kubanga okugulumizibwa tekuva buvanjuba, Newakubadde ebugwanjuba, newakubadde obukiika obwa ddyo.

⁷ Naye Katonda ye mulamuzi: Atoowaza ono, n'oli amugulumiza.

⁸ Kubanga mu mukono gwa Mukama ekikompe mwekiri, n'omwenge gwamu guliko ejjovu; Kijjudde ogutabuddwamu, n'akifuka; Mazima ebbonda lyagwo ababi bonna ab'ensi balirikutamira, balirinywa.

⁹Naye nze naabuuliranga emirembe gyonna, Naayimbanga okutendereza Katonda wa Yakobo.

¹⁰ Era n'amayembe gonna ag'ababi naagazikirizanga; Naye amayembe g'abatuukirivu ganaagulumizibwanga.