Read luganda Zabbuli 8 Bible Online

Zabbuli 8 - luganda bible

Zabbuli 8

¹Ya mukulu wa bayimbi; ey'e Kigaasi. Zabbuli ya Dawudi. Ai Mukama, Mukama waffe, Erinnya lyo nga ddungi nnyo mu nsi zonna! Ggwe eyateeka ekitiibwa kyo ku ggulu.

² Mu kamwa k'abawere n'abayonka wanyweza amaanyi, Olw'abalabe bo, Olyoke osirise omulabe n'oyo awalana eggwanga.

³ Bwe ndowooza eggulu lyo, omulimu gw'engalo zo, Omwezi n'emmunyeenye, bye walagira;

⁴ Omuntu kye kiki, ggwe okumujjukira, Oba omwana w'omuntu, ggwe okumujjira?

⁵ Kubanga wamukola okubulako akatono okuba nga Katonda, Era omussaako engule ey'ekitiibwa n'ettendo.

⁶Wamufuza emirimu egy'emikono gyo; Wateeka ebintu byonna wansi w'ebigere bye:

⁷Endiga zonna n'ente, Era n'ensolo ez'omu nsiko;

⁸Ennyonyi eza waggulu, n'ebyennyanja ebiri mu nnyanja, Buli kintu ekiyita mu makubo ag'ennyanja.

⁹Ai Mukama, Mukama waffe, Erinnya lyo nga ddungi nnyo mu nsi zonna!