Read luganda Zabbuli 84 Bible Online

Zabbuli 84 - luganda bible

Zabbuli 84

¹Ya mukulu w'abayimbi; ey'ekigaasi. Zabbuli ya batabani ba Koola. Eweema zo nga nnungi, Ai Mukama ow'eggye.

² Emmeeme yange yeegomba, era ezirise olw'empya za Mukama; Omutima gwange n'omubiri gwange bikaabira Katonda omulamu.

³ Weewaawo, enkazaluggya yeerabidde ennyumba, N'akataayi ekisu mwe kanaabiikiranga obwana bwako, Bye byoto byo, ai Mukama ow'eggye, Kabaka wange, era Katonda wange.

⁴ Balina omukisa abatuula mu nnyumba yo: Banaakutenderezanga. (Seera)

⁵Alina omukisa omuntu amaanyi ge bwe gaba mu ggwe; Enguudo ezigenda mu Sayuuni nga ziri mu mutima gwe.

⁶ Nga bayita mu kiwonvu eky'amaziga bakifuula ekifo eky'ensulo; Weewaawo, ddumbi akibikkako n'omukisa.

⁷ Bava mu maanyi ne baggukira mu maanyi, Buli muntu mu bo alabika mu maaso ga Katonda mu Sayuuni.

⁸ Ai Mukama Katonda ow'eggye, wulira okusaba kwange: Otege okutu, ai Katonda wa Yakobo. (Seera)

⁹ Tunula, ai Katonda engabo yaffe, Olabe amaaso g'oyo gwe wafukako amafuta.

¹⁰Kubanga olunaku lumu mu mpya zo lusinga olukumi. Njagala okuba omuggazi mu nnyumba ya Katonda wange Okusinga okutuula mu weema ez'obubi.

¹¹ Kubanga Mukama Katonda ye njuba, ye ngabo: Mukama anaagabanga ekisa n'ekitiibwa: Tammenga kintu kirungi kyonna abo abeegendereza.

¹²Ai Mukama ow'eggye, Alina omukisa omuntu akwesiga ggwe.