Read luganda Zabbuli 85 Bible Online

Zabbuli 85 - luganda bible

Zabbuli 85

¹Ya mukulu w'abayimbi. Zabbuli ya batabani ba Koola. Mukama, watunuulira ensi yo n'ekisa; Wazza obusibe bwa Yakobo.

² Wasonyiwa obutali butuukirivu obw'abantu bo, Wabikka ku kibi kyabwe kyonna. (Seera)

³Waggyawo obusungu bwo bwonna: Wakyuka n'oleka ekiruyi kyo ekikambwe.

⁴ Otukyuse, ai Katonda ow'obulokozi bwaffe. Era okunyiiga kwo kuggweewo eri ffe.

⁵ Onootusunguwaliranga ennaku zonna? Onootuusanga obusungu bwo emirembe gyonna?

⁶ Tolituzuukiza nate, Abantu bo bakusanyukirenga ggwe?

⁷Otulage okusaasira kwo, ai Mukama, Otuwe obulokozi bwo.

⁸ Ka mpulire Katonda Mukama by'anaayogera: Kubanga anaabuulira abantu be emirembe, n'abatukuvu be: Naye baleme okukyama nate mu busirusiru.

⁹ Mazima obulokozi bwe buba kumpi abo abamutya; Ekitiibwa kiryoke kituulenga mu nsi yaffe.

¹⁰ Okusaasira n'amazima birabaganye; Obutuukirivu n'emirembe binywegeraganye.

¹¹ Amazima galose mu ttaka; N'obutuukirivu butunudde ku nsi nga buyima mu ggulu.

¹² Weewaawo, Mukama anaagabanga ebirungi; N'ensi yaffe eneereetanga ekyengera kyayo.

¹³ Obutuukirivu bunaamukulemberanga; Era bunaakubiranga ebigere bye ekkubo.