Read luganda Zabbuli 92 Bible Online

Zabbuli 92 - luganda bible

Zabbuli 92

¹Zabbuli, oluyimba olw'okussabbiiti. Kirungi okwebazanga Mukama, N'okuyimba okutenderezanga erinnya lyo, ggwe ali waggulu ennyo:

² Okwolesanga ekisa kyo enkya, N'obwesigwa bwo buli kiro.

³ N'ekivuga ekirina enkoba ekkumi, era n'amadinda: N'eddoboozi ery'okusinza ery'ennanga.

⁴ Kubanga ggwe, Mukama, onsanyusizza n'omulimu gwo: Naajagulizanga emirimu gy'emikono gyo.

⁵ Emirimu gyo nga mikulu, ai Mukama! Ebirowoozo byo bya buziba nnyo.

⁶ Omuntu ali ng'ensolo tamanyi kino, So nga n'omusirusiru takitegeera:

⁷ Ababi bwe baloka ng'omuddo, Era abakozi b'obubi bonna bwe babeera; Kyebava beera bazikirizibwe emirembe gyonna:

⁸ Naye ggwe, ai Mukama, ogulumizibwanga emirembe n'emirembe.

⁹ Kubanga, laba, abalabe bo, ai Mukama, Kubanga, laba, abalabe bo, balizikirira; Abakozi b'obubi bonna balisaasaanyizibwa.

¹⁰ Naye ogulumizizza ejjembe lyange ng'ery'embogo: Nfukiddwako amafuta amaggya.

¹¹ Era eriiso lyange lirabye bye njagala nga bituuse ku balabe bange, Amatu gange gawulidde bye njagala nga bituuse ku abo abakola obubi abangolokokerako.

¹² Omutuukirivu alyera ng'olukindu; Alikula ng'omuvule mu Lebanooni.

¹³ Abasimbirwa mu nnyumba ya Mukama Balyerera mu mpya za Katonda waffe.

¹⁴Baliba nga bakyabala ebibala nga bakaddiye; Balijjula amazzi, baligejja:

¹⁵ Balage nga Mukama mutuukirivu; Oyo lye jjinja lyange, so mu ye temuli butali butuukirivu.