Read luganda Okubala 33 Bible Online

Okubala 33 - luganda bible

Okubala 33

¹Bino bye biramago eby'abaana ba Isiraeri, bwa baava mu nsi y'e Misiri ng'eggye lyabwe bwe lyali wansi w'omukono gwa Musa ne Alooni.

²Musa n'awandiika okusitula kwabwe ng'ebiramago byabwe bwe byali olw'ekiragiro kya Mukama: era bino bye biramago byabwe ng'okusitula kwabwe bwe kwali.

³ Ne basitula e Lamesesi mu mwezi ogw'olubereberye, ku lunaku olw'ekkumi n'ettaano olw'omwezi ogw'olubereberye; ku lw'enkya Okuyitako nga kuwedde abaana ba Isiraeri ne bavaayo n'omukono ogwagulumizibwa mu maaso g'Abamisiri bonna,

⁴ Abamisiri bwe baali nga bakyaziika ababereberye baabwe bonna Mukama be yakuba mu bo: ne ku bakatonda baabwe Mukama n'awalana emisango.

⁵ Abaana ba Isiraeri ne basitula e Lamesesi, ne basiisira e Sukkosi.

⁶ Ne basitula e Sukkosi, ne basiisira e Yesamu, ekiri ku mabbali g'eddungu.

⁷ Ne basitula e Yesamu ne badda ennyuma okutuuka e Pikakirosi, ekyolekera Baalizefoni: ne basiisira okwolekera Migudooli.

⁸ Ne basitula e Kakirosi, ne bayita wakati mu nnyanja ne bayingira mu ddungu: ne batambula olugendo olw'ennaku ssatu mu ddungu ery'e Yesamu, ne basiisira mu Mala.

⁹ Ne basitula e Mala ne batuuka e Erimu: era mu Erimu waaliwo enzizi z'amazzi kkumi na bbiri, n'enkindu nsanvu; ne basiisira eyo.

¹⁰Ne basitula e Erimu, ne basiisira ku Nnyanja Emmyufu.

¹¹ Ne basitula okuva ku Nnyanja Emmyufu, ne basiisira mu ddungu Sini.

¹²Ne basitula okuva mu ddungu Sini, ne basiisira e Dofuka.

¹³Ne basitula e Dofuka, ne basiisira Yalusi.

¹⁴ Ne basitula e Yalusi, ne basiisira e Lefidimu, awataali mazzi abantu okunywa.

¹⁵ Ne basitula e Lefidimu, ne basiisira mu ddungu lya Sinaayi.

¹⁶ Ne basitula okuva mu ddungu lya Sinaayi, ne basiisira e Kiberosukataava.

¹⁷ Ne basitula e Kiberosukataava, ne basiisira e Kazerosi.

¹⁸ Ne basitula e Kazerosi, ne basiisira e Lisuma.

¹⁹Ne basitula e Lisuma, ne basiisira e Limoniperezi.

²⁰Ne basitula e Limoniperezi, ne basiisira e Libuna.

²¹Ne basitula e Libuna, ne basiisira e Lisa.

²²Ne basitula e Lisa, ne basiisira e Kekerasa.

²³Ne basitula e Kekerasa, ne basiisira ku lusozi Seferi.

²⁴Ne basitula okuva ku lusozi Seferi, ne basiisira e Kalada.

²⁵Ne basitula e Kalada, ne basiisira e Makerosi.

²⁶Ne basitula e Makerosi, ne basiisira e Takasi.

²⁷Ne basitula e Takasi, ne basiisira e Tera.

²⁸Ne basitula e Tera, ne basiisira e Misuka.

²⁹Ne basitula e Misuka, ne basiisira e Kasumona.

³⁰Ne basitula e Kasumona, ne basiisira e Moserosi.

³¹ Ne basitula e Moserosi, ne basiisira e Beneyakani.

³²Ne basitula e Beneyakani, ne basiisira e Kolukagidugada.

³³ Ne basitula e Kolukagidugada, ne basiirisa e Yotubasa.

³⁴Ne basitula e Yotubasa, ne basiisira e Yabulona.

³⁵ Ne basitula e Yabulona, ne basiisira e Ezyonigeba.

³⁶ Ne basitula e Ezyonigeba, ne basiisira mu ddungu Zini (ye Kadesi).

³⁷ Ne basitula e Kadesi, ne basiisira ku lusozi Koola, ku mabbali g'ensi ya Edomu.

³⁸Alooni kabona n'alinnya ku lusozi Koola olw'ekiragiro kya Mukama, n'afiira okwo, abaana ba Isiraeri nga baakamaze emyaka ana okuva mu nsi y'e Misiri, mu mwezi ogw'okutaano, ku lunaku olw'olubereberye olw'omwezi.

³⁹Era Alooni yali yaakamaze emyaka kikumi mu abiri mu esatu bwe yafiira ku lusozi Koola.

⁴⁰ N'Omukanani, kabaka w'e Yaladi, eyatuulanga ebukiika obwa ddyo mu nsi ya Kanani, n'awulira abaana ba Isiraeri nga bajja.

⁴¹ Ne basitula okuva ku lusozi Koola, ne basiisira e Zalumona.

⁴²Ne basitula e Zalumona, ne basiisira e Punoni.

⁴³ Ne basitula e Punoni, ne basiisira e Yobosi.

⁴⁴ Ne basitula e Yobosi, ne basiisira e Iyeabalimu, ku mabbali ga Mowaabu.

⁴⁵ Ne basitula e Iyimu, ne basiisira e Dibonugadi.

⁴⁶ Ne basitula e Dibonugadi, ne basiisira e Yalumonudibulasaimu.

⁴⁷ Ne basitula e Yalumonudibulasaimu, ne basiisira ku nsozi Abalimu, okwolekera Nebo.

⁴⁸ Ne basitula okuva ku nsozi Abalimu, ne basiisira mu nsenyi za Mowaabu ku Yoludaani e Yeriko.

⁴⁹ Ne basiisira ku Yoludaani, okuva e Besuyesimosi okutuuka e Yaberisitimu mu nsenyi za Mowaabu.

⁵⁰Mukama n'agambira Musa mu nsenyi za Mowaabu ku Yoludaani e Yeriko

⁵¹ nti Yogera n'abaana ba Isiraeri obagambe nti Bwe mulisomoka Yoludaani ne muyingira mu nsi ya Kanani,

⁵² kale muligobamu bonna abatuula mu nsi mu maaso gammwe, ne muzikiriza amayinja gaabwe gonna agaliko ebifaananyi, ne muzikiriza ebifaananyi byabwe byonna ebifumbe, ne musuulasuula ebifo byabwe byonna ebigulumivu:

⁵³era mulirya ensi ne mutuula omwo: kubanga mmwe ngiwadde ensi okugirya.

⁵⁴ Era mulisikira ensi n'obululu ng'enda zammwe bwe ziri; abayinga obungi mulibawa obusika okusukkiriza, n'abatono olibawa obusika okukendeezaako: wonna wonna akalulu we kaligwirira omuntu, kale we waliba awawe; ng'ebika bya bakitammwe bwe biri bwe mulisika bwe mutyo.

⁵⁵ Naye bwe mutalikkiriza kugobamu abo abatuula mu nsi mu maaso gammwe; kale abo be mulisigaza ku bo banaabanga ng'ebifumita mu maaso gammwe era ng'amaggwa mu mbiriizi zammwe, era banaabateganyanga mu nsi gye mulituulamu.

⁵⁶Awo olulituuka, nga bwe nnali ndowooza okubakola bo, bwe ntyo bwe ndibakola mmwe.