Read luganda Abakkolosaayi 4 Bible Online

Abakkolosaayi 4 - luganda bible

Abakkolosaayi 4

¹ Bakama baabwe, mugabirenga abaddu bammwe eby'obutuukirivu n'okwenkanyankanyanga; nga mumanyi nga era nammwe mulina Mukama wammwe mu ggulu.

² Munyiikirirenga mu kusaba, nga mutunulanga mu kusaba mu kwebaza;

³ nate nga mutusabira naffe, Katonda okutuggulirawo oluggi olw'ekigambo, okwogera ekyama kya Kristo, n'okusibibwa kye nnasibirwa;

⁴ ndyoke nkyolesenga, nga bwe kiŋŋwanidde okwogera.

⁵ Mutambulirenga mu magezi eri abo ab'ebweru, nga mweguliranga ebbanga.

⁶ Ebigambo byammwe bibeerenga n'ekisa ennaku zonna, nga binoga omunnyo, mulyoke mumanye bwe kibagwanidde okwanukulanga buli muntu yenna.

⁷ Tukiko, ow'oluganda omwagalwa era omuweereza omwesigwa era muddu munnaffe mu Mukama waffe, alibategeeza ebifa gye ndi byonna:

⁸ gwe ntuma gye muli olw'ensonga eno, mulyoke mutegeere ebifa gye tuli era asanyuse emyoyo gyammwe;

⁹ wamu ne Onnessimo, ow'oluganda omwesigwa omwagalwa, ow'ewammwe. Balibategeeza ebifa wano byonna.

¹⁰ Alisutaluuko, musibe munnange, abalamusizza, ne Makko, mujjwa wa Balunabba, (gwe mwalagirwa; bw'alijja gye muli, mumwanirizanga),

¹¹ne Yesu ayitibwa Yusito, ab'omu bakomole abo bokka be bakozi bannange olw'obwakabaka bwa Katonda, abansanyusanga.

¹² Epafula, ow'ewammwe, omuddu wa Kristo Yesu, abalamusizza, afuba ennaku zonna ku lwammwe mu kusaba kwe, mulyoke muyimirirenga nga muli batuukirivu era nga mutegeerera ddala mu byonna Katonda by'ayagala.

¹³Kubanga ndi mujulirwa we ng'alina emirimu mingi ku lwammwe, n'ab'omu Lawodikiya, n'ab'omu Kiyerapoli.

¹⁴ Lukka, omusawo omwagalwa, ne Dema babalamusizza.

¹⁵Mulamuse ab'oluganda ab'omu Lawodikiya, ne Nunfa, n'ekkanisa ey'omu nnyumba yaabwe.

¹⁶Era ebbaluwa eno bw'emalanga okusomerwa mu mmwe, era mugisomese ne mu kkanisa ey'Abalawodikiya; era nammwe musome eriva mu Lawodikiya.

¹⁷ Era mugambe Alukipo nti Weekuumenga okuweereza kwe waweebwa mu Mukama waffe, okukutuukiriza.

¹⁸ Kuno kwe kulamusa kwange n'omukono gwange nze Pawulo. Mujjukirenga okusibibwa kwange. Ekisa kibeerenga nammwe.