Read lugbara E’doza 46 Bible Online

E’doza 46 - lugbara bible

E’doza 46

¹Israeli nga di aci e’do ra, ara dria erini ovuzu yi be ’diyi be, nga ca Beeri-sebaa, nga edeta ede Mungu i ati Isakaniri dri.

²Mungu nga e’yo ’yo Israeli ma tia ara ndreza inisirisi, nga ’yo ra, Yakobo! Yakobo! Eri nga ’yo ra, Ma ’do’i.

³Eri nga ’yo ra, Ma Mungu, Mungu mi atiniri’i; mi ’ye urisi sizu muzu Misiria ku; a’disiku ma nga mi ’ba ovuzu suru amboru ’dale.

⁴Ma nga si Misiria mi beni, ma nga vini mi oru ’dasi etuzu emuzu dika I’doa ada ada; Yusufuni nga mi mile omvi i ma drisini.

⁵Yakobo nga enga Beeri-sebaarisi; auzi Israelini nga yi ati Yakobo pi ji magali Farauni tini pele yi ejizu ’diyisi, anzi yini nyiri nyiri ’diyi pie, oku yini be dria.

⁶Yi nga yi ma anyapa piyi ji ara yini isu angu Kanania ’diyi be, nga eca Misiria, Yakobo ori’ba erini be:

⁷anzi erini pie, anzi ma anzipi pie, ezopi pie, anzipi ma ezopi pie, ori erini be dria, eri nga yi ji dria eri be Misiria ra.

⁸Anzi Israelini emupi Misiria ’diyi yi ma ru ’di, Yakobo pi anzipi be. Rubeni Yakobo ma mva okori,

⁹azini anzi Rubenini: Hanoki pi, i Palu pi, Hezironi pi, Karimi pie.

¹⁰Anzi Simeonini: Yemueli pi, Yamini pi, Ohadi pi, Yakini pi, Zohari pi, Saulo oku Kanani ezoruri ma mvi pie,

¹¹Anzi Levini: Gerisoni pi, Kohati pi, Merari pie.

¹²Anzi Yudani: Eri pi, Onani pie, Sela pi, Perezi pi, Zera pie (te Eri pi Onani be odra angu Kanania); anzi Perezini yi Hezironi pi Hamuli be.

¹³Anzi Isakarini: Tola pi, Puva pi, Yasubu pi, Simironi pie.

¹⁴Anzi Zebulunini: Seredi pi, Eloni pi, Yaleeli pie

¹⁵(’diyi dria yi anzi Leani, erini otile Yakobo dri Padani-aramua, zamva erini Dina be ’diyi; anzi piyi ma kalafe ezopi beri kali na drini na).

¹⁶Anzi Gadini: Zifioni pi, Hagi pi, Suni pi, Eziboni pi, Eri pi, Arodi pi, Areli pie.

¹⁷Anzi Aserini: Imina pi, Isiva pi, Isivi pi, Beria pi, yi amvi Sera pie. Anzi Beriani: Heberi pi Malikieli pie

¹⁸(’diyi dria anzi Zilipa Labanini fele i zi Lea dririni, otile Yakobo dri ’diyi-ada ’ba mudri drini azia).

¹⁹Anzi Yakobo vile oku Rakelini: Yusufu pi Benyamini be.

²⁰Oti Yusufu dri angu Misirinia, Manase pi Efiraimu be, Asenati Potifera kuhani Oniari ma zini otile eri dri ’diyi.

²¹Anzi Benyaminini: Bela pi, Bekeri pi, Asibeli pi, Gera pi, Naamani pi, Ehi pi, Rosi pi, Mupimu pi, Hupimu pi, Aridi pie

²²(’diyi dria anzi Rakelini otile Yakobo dri ’diyi-yi ma kalafe driari ’ba mudri drini su).

²³Dani anzipi: Husimu pi.

²⁴Anzi Nafutalini: Yazeeli pi, Guni pi,Yezeri pi, Silemu pie

²⁵(’diyi: anzi Bila, Labanini fele i zi Rakeli dririni otile Yakobo dri ’diyi-dria ’ba aziri).

²⁶’Ba efupi Yakobo ma opilia efipi Misiria ’diyi yi ma kalafe dria kali azia drini azia, te lani oku Yakobo ma anzipi dri ’diyi ku;

²⁷anzi Yusufuni, otile i dri Misiria ’diyi yi ’ba iri; ’ba dria Yakobo ma oriru emupi Misiria ’diyi yi kali aziri.

²⁸Eri nga Yuda ma ti pe oko i ma drilia Yusufu vu, geri muzu Goseniari ecezu i dri; yi nga di eca angu Goseniaria ani.

²⁹Yusufu nga i ma magali ’ba ngonde, nga tu mu dri fuzu i ati Israeli be Gosenia; nga i ece eri vu, nga eri o’de omelea’i nga wu mindresi erini eri o’deria ombelea etu fudri ci.

³⁰Israeli nga ’yo Yusufu ma tia, Mi ku di ma dra yio, mani mi mile ndrele ’borisi, mi de ’di nga idriru.

³¹Yusufu nga ’yo i adripi piyi ma tia, ’ba i ati ma joa ’diyi be, Ma nga tu mu e’yo olu Farau ma tia, ma nga ’yo eri tia, Ma adripi, ’ba ma ati vile joa ’diyi be ndra angu Kananinia ’diyi eca di ma vu ’bo;

³²’ba nde yi ’ba kabilo ocepi ’diyi, yi ’ba ndra anyapa oce drio; yi eji anyapa yini nyiri ’diyi pi ’wara ’diyi pie, afa yini ovuzu yi be ’diyi be dria.

³³Te eri nga eca ’dini, Farau ka nga emi omve, ka nga ’yo, Azi eminiri a’dini ya?

³⁴emi nga ’yo ra, Ama’i ati’ba mini, engazu gbu drio amani ovuria anziru ecazu kpere andru, ama ’ba anyapa ocepi ’diyi, ama’i ama atipi be dria; emi ma ovu angu Goseniaria beni, a’disiku ’ba Misiria ’diyini ’ba kabilo ocepi ’diyi dria ngule onzirisi.