Read lugbara E’doza 5 Bible Online

E’doza 5 - lugbara bible

E’doza 5

¹Buku a’bianzi Adamuni eri ’di. O’du Munguni ’ba ’bazurisi Mungu ede eri i ma wura vusi.

²Eri ’ba yi, agupi azini oku, fe asi ndriza yi dri, ’da runi Adamu’i o’du erini yi ’bazurisi.

³Adamu ovu ndra idriru eli turu alu drini kali na, nga mva ti i ma ngulupi ma wurasi e’daza ini vusi, nga runi ’da Seti’i.

⁴O’du Adamuni ovuzu idriru erini Setini tizu ’bori ma vutia ’diyi eci yi eli turu aro; oti agianzi ezoanzi be.

⁵O’du ndra Adamuni ovuzu idri be ’diyi dria eli turu oromi drini kali na; dra di ra.

⁶Seti ma eli ka ca turu alu drini towi, eri nga Enosini ti ra.

⁷Seti ovu idriru erini Enosini tiria ’boria eli turu aro drini aziri, nga agianzi oti ezoanzi be.

⁸O’du Setini dria ovu eli turu oromi drini mudri drini iri; dra di ra.

⁹Enosi ma eli ka ca kali oromi, eri nga di Kenanini ti ra.

¹⁰Enosi ovu idriru erini Kenanini tizu ’boriari ma vutia eli turu aro drini mudri drini towi, nga agianzi oti ezoanzi be.

¹¹O’du Enosini dria ovu eli turu oromi drini towi; dra di ra.

¹²Kenani ma eli ka ca kali aziri, eri nga Mahalalelini ti ra.

¹³Kenani ovu idriru erini Mahalalelini tizu ’bori ma vutia eli turu aro drini kali su, nga agianzi oti ezoanzi be.

¹⁴O’du Kenanini dria ovu eli turu oromi drini mudri; dra di ra.

¹⁵Mahalaleli ma eli ka ca kali azia drini towi, eri nga Yaredini ti ra.

¹⁶Mahalaleli ovu idriru erini Yaredini tizu ’bori ma vutia eli turu aro drini kali na, nga agianzi oti ezoanzi be.

¹⁷O’du Mahalalelini dria ovu turu aro drini kali oromi drini towi; dra di ra.

¹⁸Yaredi ma eli ca turu alu drini kali azia drini iri, eri nga Enokani ti ra.

¹⁹Yaredi ovu idriru erini Enokani tizu ’bori ma vutia eli turu aro, nga agianzi oti ezoanzi be.

²⁰O’du Yaredini dria ovu eli turu oromi drini kali azia drini iri; dra di ra.

²¹Enoka ma eli ka ca kali azia drini towi, eri nga Metuselani ti ra.

²²Enoka aci Mungu be erini Metuselani tizu ’bori ma vutia eli turu na, nga agianzi oti ezoanzi be.

²³O’du Enokani dria ovu eli turu na drini kali azia drini towi.

²⁴Enoka aci Mungu be; avi ra, Munguni eri ’dulenirisi.

²⁵Metusela ma eli ka ca turu alu drini kali aro drini aziri, eri nga Lamekini ti ra.

²⁶Metusela ovu idriru erini Lamekini tizu ’bori ma vutia eli turu aziri drini kali aro drini iri, nga agianzi oti ezoanzi be.

²⁷O’du Metuselani dria ovu eli turu oromi drini kali azia drini oromi; dra di ra.

²⁸Lameki ma eli ka ca turu alu drini kali aro drini iri, eri nga mva ti ra,

²⁹eri nga runi ’da Noa’i, kini, Mva ’diri nga ama asi omi azi amani pi ma e’yosi, azi maturu amani ’yele ama drisiri be dria, nyaku Yehovani trile ’bori ma e’yosi.

³⁰Lameki ovu idriru erini Noani tizu ’bori mavutia eli turu towi drini kali oromi drini towi, nga agianzi oti ezoanzi be.

³¹O’du Lamekini dria ovu turu aziri drini kali aziri drini aziri; dra di ra.

³²Noa ma eli ca turu towi ra; Noa nga Semi pi oti, Hamu pie, Yafeti pie.