Read lugbara 2 Opi 18 Bible Online

2 Opi 18 - lugbara bible

2 Opi 18

¹Eri eca ’dini, Hezekia Ahazi mvi e’do opi nyazu Yuda ma drilia eli na Hosea Ela mvini opi nyazu Israeli ma driliarisi.

²Eli erini ovu kali iri drini towi erini e’dozu opi nyazurisi, eri nya opi eli kali iri drini oromi Yerusalemua. Andri ma ru Abi, Zekaria zi’i.

³Eri ’ye e’yo ovupi onyiru Yehova ma miliari, dria ekile i a’bi Daudini ’yelerile.

⁴Eri nze pari uruleru ’diyi, eri onyo pati i’dile inzizaru ’diyi va, li vini Aserani va. Eri onyo uri molaru Musani edele ndrari nyingiriki, a’disiku ecazu o’du nderia anzi Israelini ve obiese eri dri; ’da runi Nehusitani’i.

⁵Eri ’ba a’ita erini Yehova Mungu Israeliniri ma alia; ’dini opi Yudani eri ma vutia ’diyi ma eselia dria ’ba azini erile aluni yo, eri ma drilia ’diyi ma eselia aluni yo indi.

⁶A’disiku eri ebi i Yehova be; eri kuni eri vuti bizaru ku, te eri mba azita Yehovani ndra azile Musa tia’diyi ma ta ra.

⁷Te Yehova ovu eri be; pari dria erini muzuria eri ovu drilebaru. Eri mbu opi Asuriaari ma ruaasi amve, eri ga azi ngako eri dri si.

⁸Eri ofu ’ba Filisitiaa ’diyi cazu kpere Gazaa, cazu angu erini ma eselia engazu jo izuru ’ba anguli agei tepiriniria cazu aku amboru abi kaliru beria.

⁹Eri eca ’dini, eli su opi Hezekiani opi nyazurisi-’di ovu eli aziri Hosea Ela mvi opi Israelinirini opi nyazuri’i-Salimaneseri opi Asuriaari nga emu uru Samariaa, eri acezu ombasi kuru kuru.

¹⁰Eli na ka aga ’bo, eri aga eri ra, Yi aga Samariani eli azia Hezekiani opi nyazurisi, ’di ovu eli oromi Hosea opi Israelinirini opi nyazuri’i.

¹¹Te opi Asuriaari nga Israeli ji Asuriaa, eri o’ba yi Halaa, azini Habori yi ara Gozaniari ma tia, azini aku ’ba Medini ’diyi ma alia,

¹²a’disiku yi erini o’duko Yehova Mungu yinirini ku, te yi eza aziza erini, adaru e’yo dria Musa ati’bo Yehovanirini azileri, yi leni eri ku, leni ’ye ku indio

¹³Eli mudri drini su opi Hezekiani opi nyazurisi, Senakeribu opi Asuriaari nga emu uru aku amboru abi kaliru be okporu Yudaa ’diyi vu, pa yi ra.

¹⁴Te Hezekia opi Yudaari pe ’ba ti opi Asuriaari vu Lakisia, ’yozu kini, Ma eza ra; mi ku ma, mi mvi nga; e’yo mini ngale ’bale ma driari ka ngoni ti, ma nga a’i ra, Te opi Asuriaari la Hezekia opi Yudaari dri onzi dahabuni turu na, azini onzi meleni kali na,

¹⁵Te Hezekia fe eri dri dahabu dria ovupi jo Yehovani ma aliari, azini vini ovupi lonyi opi ma jo alia ’diyi ma eseliari be indi.

¹⁶Ewu nderisi Hezekia nze mele ovupi hekalu Yehovani ma jotile ’diyi ma ruaari, azini mele ovupi pati i’diza Hezekia opi Yudaarini a’bule ’diyi ma ruaari, eri fe eri opi Asuriaari dri.

¹⁷Te opi Asuriaari pe Rabisarisi Taritani pi ma ti engazu Lakisia Rabisake pie, muzu opi Hezekia vu Yerusalemua asikari ongulumuru be tre. Yi mu uru, eca Yerusalemua. Yini ecaria ’boria, yi so pa pari yi engapi yi a’di uruleruarini razuri ma tia, gboko ’ba bongo ojipiri ma amvu tiaria.

¹⁸Yi ka opini omve ’bo, Eliakimu Hilikia mvi, ’ba opi ma jo alia ’diyi ma driliari pi efu, Sebina ’ba waraga sipiri pie, Yoa Asafu mvi ’ba buku opi ma e’yo ecezuri sipiri pie.

¹⁹Te Rabisake nga ’yo yi tia kini, Mi ’yo Hezekia tia, Opi ambori ’yo ’dini, adaru opi Asuriaari’i, kini, A’ita mini ’di ovu a’du alia ya?

²⁰Mi ’yo (te yi ovu e’yo ’yole tisi toko ’diyi), Ondua azini okpo a’di ’dizuri ovu ci. Mi ’ba a’ita mini a’di alia, mini mbuzu ma ruaasi amveri ya?

²¹Mi ne, mi ovu a’itasi kali omi i nyopi nyo ’dinirini ma alia, Misiri’i, te ’ba ka i ati kali ’diri ma ruaa, eri nga fi drinia, eri nga eri so. Farau opi Misiriaari ovu ’dinile ’ba dria eri a’ipi ’diyi dri.

²²Te emi ka ’yo ma tia kini, Ama ’ba a’ita amani Yehova Mungu amaniri ma alia; eri ovuni eri’i Hezekiani pari uruleru erini ’diyi pi nzezu pari erini edeta edezu ’diyi pieri’i ku ya? Eri’i Hezekiani ’yole vini Yuda pi tia Yerusalemu be kini, Emi ma inzi pari edeta edezu Yerusalemua ’dori driliari’i ku ya?

²³Te curu’do, ma zi mi tia, mi azi e’yo opi mani opi Asuriaari be fa, te ma nga akanya alifu iri fe mi dri, mi ka nga eco ’ba fezu tuzu yi ngukua ra.

²⁴Mi nga eco ngoni ngoni ya, ambo asikari drilia alu opi mani ma ati’ba azini ’diyi ma eseliari ma mile ojazaru, ’ba nderi ka ovu ’ba gaani ti, mi ka a’ita mini ’ba Misiri ma alia, garisi azini asikari tupi akanya ngukua ’diyisi?

²⁵Ma etu di uru ’do, pari ’dori dri jazu Yehova kokoru ya? Yehova ’yo ma tiani kini, Mi tu uru angu ’doria, mi ja eri drini.

²⁶’Di ma vutia, Eliakimu Hilikia mvi pi ’yo e’yo Rabisake tia, Sebina pie, Yoa pie kini, Ma matu ’ba mi vu, mi ’yo e’yo ati’ba mini tia Suria tisi, a’disiku ama ni eri ra; mi ’yo e’yo ama tia Yahudi tisi ’ba ovupi abi kaliru dria ’diyi ma biliasi ’dini ku.

²⁷Te Rabisake ’yo yi tia kini, Opi ani epe ma ti e’yo ’diyi ’yozu opi mini ma tia, azini mi tia, te peni ma ti e’yo ’yozu ’ba ripi abi kaliru dria ngapi daka yi ngulupini nyapi emi pie, ngapi vini odre yi ngulupini mvupi emi pie ’diyi ma tia ku ya?

²⁸Rabisake nga di pa so, nga oyu o’duko urusi Yahudi tisi, eri ’yo kini, Emi eri e’yo opi amborurini, adaru opi Asuriaarini ’yoleri!

²⁹Opi ’yo ’dini kini, Emi fe Hezekia ma ici emi ku; toko ku eri ngani eco emi opazaru ma driasi ku.

³⁰Emi fe vini Hezekia ma fe emini Yehovani a’izu, erini ’yolerisi kini, Adaru Yehovani nga ama opa ra, aku ’dori ngani vini ovu fezaru opi Asuriaari dri ku, ’dinini ku.

³¹Emi ma eri e’yo Hezekiani ku; a’disiku opi Asuriaari ’yo ’dini kini, Emi azi aziza asi anzuruni tualu ma be, emi efu ma vu; ka’dini emi dria alu alu nga pati raza emi ngulupini ma efi nya, azini emi dria alu alu nga elio patiefi emi ngulupini nya, emi dria alu alu nga yi a’di emi ngulupini mvu;

³²cazu o’du mani ngazu ecazu emi o’duzu jizu angu ekile angu emi ngulupinirileria, angu anya be azini patiefi ma su be, angu enya be azini nga zabibuni be, angu pati mizeituni be azini anyu be, ’dini emi ma ovu idriru ani, ma odra ku. Te emi ma eri e’yo Hezekiani eri ka emi ici ’yozu kini, Yehovani nga ama opa ra-ri ku.

³³Adrou suru ’diyini ma eselia, aluni engazu drio ecopi angu ini papi opi Asuriaari ma driasini indi ya?

³⁴Adrou Hamati pini Aripadi beri ngoa ya? Adrou Sefarivaimu pini, Hena pie, Iva pie ’diyi ngoa ya? Yi pa Samariani ma driasi ’bo ya?

³⁵Adrou angu ndu ndu ’diyi ma eselia ’diyi, a’di pa bani angu yini ma driasi ’boni ya, ’dini Yehova ma pa Yerusalemuni ani ma driasi ra ya?

³⁶Te ’ba nde ’diyi ovu ciri, omvini e’yo eri tia aluni ku, a’disiku opi fe azita kini, Emi omvi e’yo eri tia ku.

³⁷’Di ma vutia Eliakimu Hilikia mvi, ’ba ’ba opi ma joa ’diyi ma driliari pi mu Hezekia vu bongo asizaru be yi ruaa, Sebina ’ba e’yo sipiri pie, Yoa Asafu mvi ’ba buku opi ma e’yo ecezuri sipiri pie, yi ece eri dri e’yo Rabisakeni ’yoleri.