Read lugbara 1 Suru Ma E'yo 11 Bible Online

1 Suru Ma E'yo 11 - lugbara bible

1 Suru Ma E'yo 11

¹Etu ’dasi ’ba Israelini oku yi dria Daudi vu Hebironia, kini, Mi ne, ama fala mini za mi ruaari be indi.

²Andra Sauloni ovuzu opirurisi, eri ndra bani mi’i ’ba Israelini ofupi azini yi ofipiri; Yehova Mungu miniri ’yo ndra mi tia kini, Mi nga nyaka fe ’ba mani Israelini ’diyi dri, mi nga adri ’ba mani Israelini ma drilia opiru mi’i.

³’Dini ’ba ’wara Israelini yi emu dria opi vu Hebironia; Daudi nga aziza azi yi be Hebironia Yehova ma milia ani, yi osu odu Daudi ma dria ovuzu opiru ’ba Israelini ma drilia, ekile e’yo Yehovani ’yole Samueli ma tisirile.

⁴Te Daudi pi Israeli be dria nga mu Yerusalemua (di Yebusi’i), ’ba Yebusini, angu nde e’ipiru ’diyi de ’dale indi.

⁵’Ba angu e’ipiru Yebusia ’diyi ’yo Daudi ma ria, Mi ngani fi ’dia ku. Te ti, Daudi pa angu okporu Zioniniri ra, eri aku amboru Daudiniri’i.

⁶Daudi nga di ’yo, ’ba ngapi ’ba Yebusini ofupi okori nga adri opiru ’ba dri cezuni. Yoabu Zeruya mvi tu oko, ’ba di eri opiru ani.

⁷Daudi ri angu okporu ndea; omve di eri aku amboru Daudiniri ani.

⁸Si vini aku kalania dria, engazu Miloa, si ageiniasi kuru kuru; te Yoabu nga di aku nde ma azi acepi ’diyi edeni,

⁹Daudi fu amboru drile drile, Yehova asikari ongulumurunirini ovule eri berisi.

¹⁰’Ba ’diyi ’ba ’wara ’ba okporu Daudini ovuzu yi be ’diyi ma drilia, yi e’da yi okporu eri be opi nyaza erini ma alia eri ’bazu opiru, yi’i ’ba Israelini be dria, e’yo Yehovani ’yole Israeli ma e’yosirile.

¹¹’Ba okporu Daudini ovuzu yi be ’diyi ma kalafe ’di: Yasobeamu ’ba Hakimonini ma mvi, opi ’ba kali na ’diyini; eri enga ndra aju ini a’di ’dizu ’ba turu na ’diyi be, ofu yi dria etu alu.

¹²Vutinia Eleazari Dodo mvi ’ba Ahohini, eri ’ba alu ’ba okporu na ’diyi ma eseliari.

¹³Eri ovu ndra Daudi be Pasi-damimua ra, ’ba Filisitiaa ’diyini yi okuria a’di ’diria ’dale. Isu de amvu indi ’daa anyani kazu alenia turi; ’ba nde yi apa ’ba Filisitiaa ’diyi dri apa apa.

¹⁴Te yi oso pa amvu nde ’diri ma alia agadua eri arizu, yi ofu ’ba Filisitiaa ’diyi ra, te Yehova opa yi pata amborusi.

¹⁵’Ba na ’ba kali na amboru ’diyi ma eselia si Daudi vu kata etia, oni oji Adulamuaria; isu de ’ba Filisitiaa ongulumuru ’diyi aso hema yini e’bu Refaimuaria.

¹⁶Daudi ovu yi be pari okporu ma alia nga ’dani, azini asikari ’ba Filisitiaa angu tepi ’diyi de Betelehemua.

¹⁷Yi avijo fu Daudini ra, kini, ’Ba ’diyi la! a’di ka mani yi a’di kalitile Betelehemuari ebe fe mani mvuni ya!

¹⁸’Ba na ’diyi efu asikari ongulumuru ’ba Filisitiaa ’diyini ma eseliasi, mu yi a’di kalitile Betelehemuari ebe, eji Daudi dri. Te Daudi leni eri mvu ku; osu eri va Yehovani,

¹⁹’yo ra kini, Mungu mani ma oga mani e’yo ’diri ’yeko ’dini si. Ma nga ’ba idri yini adipi dra dri ’diyi ma ari mvu ra ya? A’disiku yini idri yini adile dra dri eri ejizurisi. E’yo ’disi leni ndra ani yi nde mvuzu ku. E’yo ’diyi ’ba okporu na ’diyi ’yeni.

²⁰Abisai Yoabu adrini ndra ambo ’ba na ’diyi ma driliani. Eri enga aju ini a’di ’dizu ’ba turu na be yi ofuzu, ru erini e’da ’ba na ’diyini ma eselia ani.

²¹’Ba na nde ’diyi ma eselia inzi eri aga ’ba iri ’diyi ra, ’ba eri yi ma drilia yi ma dri cezu ani; te eri cani ’ba na oko ’diyi ma paria ku.

²²Benaya Yehoyada ’ba asi teza be Kabizeelia ’yeta okporu ’yepiri ma mvi, ofu Arieli Moabuari ma anzi iri ’diyi ra; eri si va indi fu kami alu ’bile ma alia o’du ozooni ’dizu si berisi.

²³Fu vini ’ba Misirini alu, ’ba nde ’ba izuni, zozani wuale towi. ’Ba nde Misiria ’di ma dria isu de aju indi ekile bau afa ’bani bongo cazurinirile; te Benaya si vunia kali be, pa aju nde Misiriou ma driarisi ra, so eri ani aju nde eri vileri ma vusi.

²⁴E’yo ’diyi Benaya Yehoyada mvi ’ye yini, runi ku ’ba na okporu nde ’diyi ma eselia ani.

²⁵Mi ne, inzi eri aga ’ba kali na ’diyi ra, te eri cani ’ba na oko ’diyi ma paria ku. Daudi nga eri ’ba asikari i ma ngulupi ma agei tepi ’diyi ma drili

²⁶’Ba okporu asikari ongulumuru ’diyi ma eselia ’diyi yi ’di: Asaheli Yoabu adri pi, Elihanani Dodo Betethlehemuari ma mvi pi,

²⁷Samoti ’ba Harorini pi, Helezi ’ba Pelonini pi,

²⁸Ira Ikesi ’ba Tekoni ma mvi pi, Abiezeri ’ba Anatotini pi,

²⁹Sibekai ’ba Husatini pi, ai ’ba Ahohini pi,

³⁰Maharai ’ba Netofatini pi, Heledi Baana ’ba Netofatini mvi pi,

³¹Itai Ribai Gibea Benyamini anziyiari mvi pi, Benaya ’ba Piratoni pi,

³²Hurai yi nyiri Gaasi ma tiari pi, Abieli ’ba Aribatini pi,

³³Azimaveti ’ba Baharumuni pi, Eliaba ’ba Saalibonini pi,

³⁴Hasemuni ’ba Gizonini ma anzipi pi, Yonatani Sage ’ba Hararini mvi pi,

³⁵Ahiamu Sakari ’ba Hararini mvi pi, Elifali Uri mvi pi,

³⁶Heferi ’ba Mekeratini pi, Ahiya ’ba Pelonini pi,

³⁷Heziro ’ba Karimelini pi, Naarai Ezibai mvi pi,

³⁸Yoeli Natani adri pi, Mibihari Hagiri mvi pi,

³⁹Zeleki ’ba Amonini pi, Naharai ’ba Berotini, gombere ombani Yoabu Zeruya mviniri ’dupiri pi,

⁴⁰Ira ’ba Itirini pi, Garebu ’ba Itirini pi,

⁴¹Uria ’ba Hitini pi, Zabadi Alai mvi pie,

⁴²Adina Siza ’ba Rubenini ma mvi, opiru ’ba Rubenini ma eseliari pi, azini ’ba kali na yi eri be,

⁴³Hanani Maaka mvi pi, Yosafati ’ba Mitinini pi,

⁴⁴Uzia ’ba Asiteratini pi, Sama pi Yeyeli be, yi Hotamu ’ba Aroerini ma anzi,

⁴⁵Yediaeli Simiri mvi pi, adri Yoha ’ba Tizini pi,

⁴⁶Elieli ’ba Mahavini pi, Yeribai pi, Yosavia be, yi Elinaamu ma anzi, Itima ’ba Moabuni pi,

⁴⁷Elieli pi, Obedi pi, Yaasieli ’ba Mezobani pie dria.