Read lugbara 1 Suru Ma E'yo 13 Bible Online

1 Suru Ma E'yo 13 - lugbara bible

1 Suru Ma E'yo 13

¹Daudi pi eci ti ’ba asikari alifu alu azini ’ba turu alu dri cepi ’diyi be, adani ’ba dria ’ba dri cepiru ’diyi be.

²Daudi ’yo ’ba Israelini yi okupi ’diyi ma tia dria kini, Eri ka ovu emi milia ba, azini e’yoni ka enga Yehova Mungu amani vu, ama pe di e’yoni ma ti pari dria adripi amani kule angu Israelini dria ma alia ’diyi vu, yi’i ovupi atalau edeta edepi ’ba Leviniru ’diyi be, aku ambo ambo aku nyiri nyirini ovuzu yi ma ageia ’diyi ma alia ’diyi, ’dini yi ma oku yi ama vu ani.

³Te ama ma mu sanduku Mungu amanirini omvizu ama vu dika ani; amani ndra mule vunia e’yoni zizu ewu Saulo ngare kurisi.

⁴’Ba dria ndra yi okupi ’diyi a’i kini yi nga ’ye ’dinile ra, e’yo ndeni ovule kililiru ’ba dria ma miliarisi.

⁵Ka’dini Daudi oku ’ba Israelini dria tualu engazu Sihori yi raza Misiriaria kpere pari ’bani fizu Hamatiniria dria, muzu sanduku Munguni omvizu engazu Kiriatiyearimua.

⁶Daudi tu di ani ’ba Israelini be dria uru Baala vu, angu nde Kiriati-yearimu ovupi Yudaniri’i, muzu sanduku Munguni ejizu engazu ’dale, eri Yehova ripi kerubi ma dria uru, yini omvele Ru ndesiri’i.

⁷Ni nga ani sanduku Munguni ’du gari o’diru ma dria, yi ofu eri engazu Abinadabu vile joarisi; Uza pi Ahio be dro gari ndeni.

⁸Daudi pi ’ba Israelini be dria nga avi okposi tu Mungu ma drilia, adani yi avi ongo pisi, o’di pie, zaburi ngoza pie, ari were ayioro beri pie, aya cole co ’diyi pie, guka pie.

⁹Te yi ka eca akuma anya dizu Cidoniaria, Uza eju i ma dri sanduku Munguni bizu, ranya ma pani nzolerisi.

¹⁰Te adra Yehovani enga Uza ma dria okposi, eri co eri ra erini i ma dri ejule sanduku ma ruaarisi; eri dra ’dale Mungu ma milia coti.

¹¹Daudi ovuni ndra ani ayikosi ku, a’disiku Yehovani e’yo anyole mbele rugbu Uza ma dria ’dinilerisi; eri omve ani pari ’dari ma ru Perezi-uza kpere cazu andru.

¹²Daudi ovu o’du ’dasi Mungusi urisi, kini, Ma nga sanduku Munguni eji ma vile akua ngoni ngoni ya?

¹³E’yo ’disi Daudi ejini di sanduku nde i vu aku amboru Daudiniria ku, te eri ji eri kalaaleru, ku eri Obedi-edomu ’ba Gitini vile joa.

¹⁴Sanduku Munguni awi Obedi-edomu vile ori’ba ma eselia eri vile joa mba na; te Yehova fe drileba ori’ba Obedi-edomuni pi dri, afa dria erini ovuzu yi beri pie dria.