Read lugbara 1 Suru Ma E'yo 23 Bible Online

1 Suru Ma E'yo 23 - lugbara bible

1 Suru Ma E'yo 23

¹Isu de Daudi ovu di dezaru azini ovu o’du be fudri ci ’bo, eri ’ba i mvi Sulemanini opiru Israeli ma drilia.

²Daudi nga di ’ba ’wara Israelini ’diyi oku dria, atalau edeta edepi ’diyi pie, ’ba Levini pie dria.

³’Ba Levini ’diyi ovu lazaru e’dozu ’ba capi eli be kali na ’diyisi muzu drile, kalafe yini dri yini vusi dri yini vusi, ’ba alu alu vusi, ’ba alu alu vusiri ovu alifu kali na drini aro.

⁴’Ba ’diyi ma eselia, ’ba alifu kali iri drini su yi ovu azi; Yehovanirini ndrezu, azini ’ba alifu azia yi ovu ’ba dri cezu azini ’ba ma e’yo lizu,

⁵’ba alifu su ’diyi jotile agei tezu, azini ’ba alifu su Yehovani inzizu o’di ongo ngozu mani edele ’bani ru Munguni inzizu ani ’diyisi, Daudi ’yo ra.

⁶Daudi awa yi ma esele ndu ndu amutisi amutisi, anzi Levini vusi: Gerisoni pi, Kohati pi, Merari pie.

⁷’Ba Gerisonini yi Ladani pi Simei be.

⁸Ladani anzipi: Yehieli ’ba amboruri pi, Zetamu pie, Yoeli pie, yi na.

⁹Simei anzipi: Selomoti pi, Hazieli pie, Harani pie, yi na. ’Ba ’diyi yi ovu ’ba atapi yini ma ori’ba dri cepi Ladanini ’diyi.

¹⁰Simei anzipi: Yahati pi, Zina pie, Yeusi pie, Beria pie. Anzi ’diyi su yi anzi Simeini.

¹¹Yahatini yi ma amboni, vutinia Ziza’i; te Yeusi pi Beria be ovuni ndra anzi be kakau ku, ka’dini ’ba la yi iri tro tualu atapi yini ma ori’ba alule.

¹²Kohati anzipi: Amiramu pi, zihari pie, Hebironi pie, Uzieli pie, yi su.

¹³Amiramu anzipi: Aroni pi Musa be. Te co Aroni ma esele ndu kini eri ma ede afa alatararu tu ’diyi, eri’i anzi erini be ’dani ’dani, obiese evezu Yehova ma drilia, azi ngazu eri dri, awa’difo fezu ru erini dri ’dani ’dani ani.

¹⁴Te ’ba omve Musa ’ba Munguni nderi ma anzipi ma ru suru Levini ma eselia.

¹⁵Musa ma anzipi Gerisoni pi Eliezeri be.

¹⁶Gerisoni anzipi: ambo Sebueli piyi.

¹⁷Te Eliezeri anzipi: ambo Rehabia piyi; te Eliezeri ma anzi azini yi ndra yo, te anzi Rehabiani yi ndra kakau tu.

¹⁸Izihari anzipi: ambo Selomiti piyi.

¹⁹Hebironi anzipi: ambori Yeria’i, iriri Amaria’i, nari Yahazieli’i, suri Yekameamu’i.

²⁰Uzieli anzipi Mika ’ba ambori pi Isia ’ba iriri be!

²¹Merari anzipi: Mali pi Musi be. Mali anzipi: Eleazari pi Kisi be.

²²Te Eleazari dra agupianzi kokoru, ovu ezoanzi be a’dule; yi ma adripi Kisi anzipi ’diyi je yi okuru.

²³Musi anzipi: Mali pi, Ederi pie, Yeremoti be, yi na.

²⁴’Ba ’diyi anzi Levini atapi yini ma ori’ba vusi, atapi yini ma ori’ba vusi, ’ba atapi yini ma ori’ba dri cepi ’diyi, ’ba ’bani lale ra ru yini ma kalafeni ovuzu dri ’bani vusi, yi’i azi jo Yehovani ma aliari ngapi ’diyi, e’dozu ’ba capi eli be kali iri ’diyisi muzu drile.

²⁵Daudini ’yolerisi kini, Yehova Mungu Israeliniri fe ava liza ’ba ini ’diyi dri ’bo; eri adri Yerusalemua ’dani ’dani.

²⁶Azini indi ngani le ’ba Levini ma ’du hema pi afazu erini ’bani lele azinirisi ’diyi be dria dika ku-

²⁷te e’yo Daudini ’yole asizurisi ’ba la ndra anzi Levini ma kalafe, e’dozu ’ba capi eli be kali iri ’diyisi muzu drile-

²⁸te azi yini ovu anzi Aronini ’diyi ma aza kozu jo Yehovaniri ma azi ngazasi, iriidri ma alia azini jo aliza ’diyi ma alia, afa alatararu dria ’bazu alatararu, adani azi ngaza azi jo Munguniri ma aliarisi dria;

²⁹mikate ecetaruri pisi indi, anyafura inikiniru edeta edele anyafurasirini pie, mikate edele pekepekeruri pie, mikate ’bani a’dile sufuria aliari pie, a’dile yisiri pie, ka ovu o’bizaru afa o’biza ngonisi kani ovu ngopi ti.

³⁰Azini pa sozu o’biti vusi o’biti vusi awa’difo fezu Yehova dri eri ma ru inzizu, ’dinile ondresi indi,

³¹azini edeta dria fele vezaru Yehova dri ’diyi edezu ’dani ’dani Yehova ma milia sabato pisi, mba o’diru pie, omu ’bani o’duni pele peri pie, yi ma kalafeni ovuzu ekile azita yini azile yi ma e’yosirile.

³²’Dini yi ma te azi hema ti ecitaniri ma agei, azi pari alatararurini pie, azi Aroni anzipi yi ma adripini be, azi ngaza azijo Yehovaniari ma alia.