Read lugbara 1 Suru Ma E'yo 27 Bible Online

1 Suru Ma E'yo 27 - lugbara bible

1 Suru Ma E'yo 27

¹Isu anzi Israelini kalafe yini vusi kalafe yini vusi, ’ba ori’ba yi ma atapini dri cepi ’diyi pi, ’ba ’ba alifu ma drilia ’diyi pie, ’ba turu drilia ’diyi pie, ’ba yi dri cepi azi ngapi opi dri e’yo dria amuti yini fizu azia azini fuzu mba vusi mba vusi dria eli alu pi ma aliarinisi ’diyi, amuti dria alu alu ovu ndra ’ba be alifu kali iri drini su:

²amuti okori mba okorisiri ma drilia ndra Yasobeamu Zabidieli mvi’i; amuti eri vileri ma alia ’ba ndra alifu kali iri drini su.

³Eri ovu Perezi anzipi ma eselia, ’ba amboru ’ba asikari ongulumuru ma dri cepi ’diyi ma drilia mba okori ma alia.

⁴Amuti mba iririni ma drilia ndra Dodai ’ba Ahohini’i, eri’i amuti erini pie, opi Mikiloti pie; amuti erini; ’ba alifu kali iri drini su.

⁵’Ba nari asikari ongulumuru ma dri cepi mba narisiri ndra Benaya, Yehoyada atalau edeta edepiri ma mvi, ’ba amboruni; amuti erini ma alia ’ba alifu kali iri drini su.

⁶Benaya ’diri ’ba ndra ovupi okporu ’ba kali na ma eselia, azini ovupi ’ba kali na nde ma driliari’i; eri ma mvi Amizabadi ovu amuti erini ma alia ’indi,

⁷’Ba suri ’ba ma dri cepi mba susiri ma aliari ndra Asaheli Yoabu adri’i, eri ma vutia eri ma mvi Zebadia’i; amuti erini ma alia ’ba; ndra alifu kali iri drini su.

⁸’Ba towiri ’ba dri cepi mba towisiri ndra Samihuti ’ba Izirani’i; amuti erini ma alia ’ba ndra alifu kali iri drini su.

⁹’Ba aziari ’ba ma dri cepi mba aziasiri ndra Ira Ikesi mvi ’ba Tekoari’i; amuti erini ma alia ’ba alifu kali iri drini su.

¹⁰’Ba aziriri ’ba dri cepi mba azirisiri ndra Helezi ’ba Pelonini, anzi Efiraimuni ma eseliari’i; amuti erini ma alia ’ba ndra alifu kali iri drini su.

¹¹’Ba arori ’ba dri cepi mba arosiri ndra Sibekai ’ba Husatini, engapi ’ba Zerani ma eseliari’i; amuti erini ma alia ’ba ndra alifu kali iri drini su.

¹²’Ba oromiri ’ba dri cepi mba oromisiri ndra Abiezeri ’ba Anatotini, engapi ’ba Benyaminini ma eseliari’i; amuti erini ma alia ’ba ndra alifu kali iri drini su.

¹³’Ba mudriri ’ba dri cepi mba mudrisiri ndra Maharai ’ba Netofatini, ’ba Zerani ma eseliari’i; amuti erini ma alia ’ba ndra alifu kali iri drini su.

¹⁴’Ba mudri drini aluri ’ba dri cepi mba mudri drini alusiri ndra Benaya ’ba Piratonini, Efiraimu anzipi ma eseliari’i; amuti erini ma alia ’ba ndra alifu kali iri drini su.

¹⁵’Ba mudri drini iriri ’ba dri cepi mba mudri drini irisiri ndra Helidai ’ba Netofatini, ’ba Otinielini’i; amuti erini ma alia ’ba ndra alifu kali iri drini su.

¹⁶Azini vini suru ’ba Israelini ma drilia, ’ba Rubenini ma eseliari eri ndra Eliezeri Zikiri ’ba ’ba dri cepiri ma mvi’i; ’ba Simeonini ina eselia Sefatia Maaka mvi’i;

¹⁷’ba Levini ma eselia, Hasabia Kemueli mvi’i; Aroni ma eselia Zadoki’i;

¹⁸’ba Yudani ma eselia Elihu’i, adripi Daudini ma azi; ’ba Isakarini ma eselia Omiri Mikaeli mvi’i;

¹⁹’ba Zebulunini ma eselia Isimaya Obadia mvi; ’ba Nafutalini ma eselia Yeremoti Azirieli mvi’i;

²⁰anzi Efiraimuni ma eselia Hosea Azazia mvi’i; suru ali Manaseni ma eselia Yoeli Pedaya mvi’i;

²¹suru ali Manaseni Gileadi aliari ma eselia Ido Zekaria mvi’i; ’ba Benyaminini ma eselia Yaasieli Abineri mvi’i;

²²’ba Danini ma eselia, Azareli, Yerohamu mvi’i. ’Ba ’diyi ndra suru ’ ’ba Israelini ma dri cepi ’diyi.

²³Te Daudi lani ndra ’ba ovupi eli be e’dozu kali irisi esizu vale ’diyi ku, a’disiku Yehovani ndra ’yole kini i nga Israeli ma kalafe ezu kakau ’bi’bio ’bua ’diyilerisi.

²⁴Yoabu Zeruya mvi e’do yi ma kalafe lazu, te awini de ku; e’yo ’disi adra efu ndra Israeli ma dria, ’dini yi sini di ani kalafe nderi buku e’yo Daudini sizuri ma alia ku.

²⁵Opi vile pari lonyi ra mbazuri ma dria Azimaveti Adieli mvi’i; azini Yonatani Uzia mvi ovu ndra pari lonyi ta mbazu amvu ma alia: ’diyi pi ma dria, aku ambo ambo alia ’diyi pie, aku nyiri nyiri ma alia ’diyi pie, aku abi kaliru be ’diyi ma alia ’diyi pie dria;

²⁶’ba azi ngapi amvua nga ’yapi ’diyi ma driliari ndra Eziri Kelubu mvi’i;

²⁷’ba amvu zabibuni ma driliari ndra Simei ’ba Ramatini’i; azini efi kaza zabibuni ’bani suni ta mbale obi ma aliari ma drilia ndra Zabidi ’ba Sifimini.

²⁸Mizeitu pati pi elio ovupi angu eleri ma alia ’diyi pie ma driliari ndra Baali-hanani ’ba Gederini; azini obi odu ta mbazu ’diyi ma driliari ndra Yoasi’i.

²⁹Anyapa ocele Saronia ’diyi ma drilia ndra Sitrai ’ba Saronini; azini anyapa ovupi e’bu alia ’diyi ma driliari ndra Safati Adilai mvi’i.

³⁰Ngamia ma driliari Obili ’ba Isimaelini’i; akanya were ’diyi ma driliari Yedeya ’ba Meronotini’i;

³¹kabilo ma driliari Yazizi ’ba Hagirini’i. ’Ba ’diyi dria adri ndra afa opi Daudini ma drilia yi ta mbazuni,

³²’Dini indi Yonatani Daudi ma adropi ovu ’ba e’yo amapiri, eri ’ba e’yo vapiri azini ’ba e’yo sipiriru indi; isu de Yehieli Hakimoni mvi ovu Indra anzi opi vile ’diyi be.

³³Ahitofeli ovu ndra ’ba e’yo amapi opi driri; Husai ’ba Arikini ovu opi ma agyini.

³⁴Ahitofeli ma vutia Yehoyada Benaya mvi pi ovuni Abiatari be. ’Ba asikari ongulumuru opi vile ’diyi ma dri cepiri eri Yoabu’i.