Read lugbara 2 Suru Ma E'yo 12 Bible Online

2 Suru Ma E'yo 12 - lugbara bible

2 Suru Ma E'yo 12

¹Te eri nga eca ’dini, etu opi nyaza Rehoboamunirini pa sozu okporu ’boria, te eri ka eca okporu, eri nga azita Yehovani ku ra, eri’i ’ba Israelini be dria.

²Eri nga eca ’dini, eli towi Rehoboamuni opi nyazurisi, Sisaki opi Misiriari eca a’di ’dizu Yerusalemu be, a’disiku yini e’yo ezale Yehova vurisi.

³Eri emu gari ombani be alifu alu drini turu iri, azini ’ba ozupi akanya dria ’diyi alifu kali azia. ’Ba emupi eri be engapi Misiria ’diyi ma kalafe lakokoru-’ba Lubi piyi, ’ba Suki pie, ’ba Etiopiaa ’diyi pie dria.

⁴Eri nga aku ovupi abi kaliru be Yudaa ’diyi o’du ra, emu kpere Yerusalemua indi.

⁵Te nabi Semaya nga emu Rehoboamu pi vu, ’ba ’wara Yudaa yi okupi tualu Yerusalemua e’yo Sisakinisi ’diyi be, nga ’yo yi tia kini, Yehova ’yo ’dini, Emi ku ma ’bo, e’yo ’disi ma’i indi ma ku i emi Sisaki ma dria ’di.

⁶Etu ndesi ’ba ’wara Israelini ’diyi pi opi ambori be do yi ani e’yere afukokoru tu, nga ’yo ani kini, Yehovani kililiru.

⁷Te Yehova ka ndre yi do yi e’yere afukokoru ’dini ’bo, e’yo Yehovani nga eca Semaya vu dika, ’yozu kini, Do di yi e’yere curu’do ’bo; ma ngani di yi ma dri ja ku, te ma nga yi dri pata azini fe ra, adra mani ngani ovu osuzaru Yerusalemu ma dria geri Sisaki vurisi ku.

⁸Te ti, yi nga ovu ’ba azi erini ngapiriru ra, yi ma ni ani azi maniri pi ma e’yo, azi suru nyaza nyakua ndu ndu ’diyiniri be.

⁹’Dini Sisaki opi Misiriari tu di a’di ’dizu Yerusalemu be, eri opa, lonyi ovupi Yehova vile joa ’diyi pi, lonyi opi vile joa ’diyi be, o’du yi dria ra. Eri wu vini gombere Sulemanini edele melesi ’diyi indi;

¹⁰opi Rehoboamu ede yi ma paria gombere molasi, nga yi fe ambo asikarini opi vile lotile ma agei tepi ’diyi dri.

¹¹Te eri ovu ’dini, etu dria 0pini muzu fizu Yehova vile joarisi, asikari jotile agei tepi ’diyi nga emu yi osu, nga yi omvi jo yini angu agei tezuria ndo.

¹²Te eri ka i do e’yere afukokoru, adra Yehovani oja i eri vurisi ra, eri ma ja eri ma dri teketeke ku; azini indi angu Yudani ma alia e’yo onyiru e’da i vini ra.

¹³’Dini opi Rehoboamu ’ba di i okporu Yerusalemua, nya opi ra. Rehoboamu nde ovu ndra eli be kali su drini alu, de erini e’doria opi nyariaria, nya opi eli mudri drini aziri Yerusalemua, aku Yehovani pele engazu suruti dria Israelini ma eselia erini ngazu i ru ’bazu aleniari’i. Andri erini ma ru Naama’i, eri oku Amoni zaruri.

¹⁴Eri ’ye e’yo ovupi onziri, erini i asi ’bale Yehovani ndruzu kurisi.

¹⁵Te ’yeta Rehoboamuni ’yele, oko ’diyi azini vile ’diyi, ’ba sini yi buku adi nzeza nabi Semayaniri ma alia, azini buku Ido ’ba afa ndreza ndrepirini sile a’bi olaza ma e’yosiri ma alia ku ka? Omba ovu ndra Rehoboamu pi ma eselia Yeroboamu be etuzu ’dani.

¹⁶Rehoboamu la i a’bipi be, yi sa eri aku Daudiniria; mvi erini Abiya nya di opi eri ma pariani.