Read lugbara 2 Suru Ma E'yo 15 Bible Online

2 Suru Ma E'yo 15 - lugbara bible

2 Suru Ma E'yo 15

¹Te orindi Munguni eca Azaria Odedi mvi ma dria;

²eri fu dri fuzu Asa be, ’yo tinia kini, Mi eri e’yo mani, Asa la, emi Yuda dria Benyamini be: Yehova ovu emi be de emini ovuria eri be. Emi ka eri nda ra, emi nga eri isu ra, te emi ka eri ku ra, eri vini nga emi ku indi.

³Isu de ewu izurusi Israeli ovuni Mungu adaruri be ku, kani kuhani ’ba imbazu be ku, kani azita be ku indi;

⁴te ocoko yiniri ma alia yi ka yi oja Yehova Mungu Israeliniri vu, ka eri ndru ra, yi isu eri ra.

⁵Ewu nde ’darisi asi anzuru ndra aluni yo ’ba fupi amveri pi dri ’ba fipi aleniari be, te inzata amboru ovu ’ba ovupi angu nde ’diyia ’diyi ma dria dria.

⁶Onyo yi nyingiriki, suruni omba ’bazu suru azini be, aku aku azini be, Munguni yi inzale ocoko driasirisi.

⁷Te emi ma ovu okporu, dri emini ma aka ku, te azi emini ma orodri nga ovu fezaru ra.

⁸Asani e’yo ’diyi eriria ’boria, eri e’yo ondriza nabi Odedini ’diri, eri mba i ma asi okporu, onze afa Munguni ngule onzi ’diyi angu Yudani piasi Benyamini be dria, azini aku erini ndra opale angu oni be Efiraimuniria ’diyi ma aliasi indi; eri ede pari edeta edezu Yehovani ovupi jobileko Yehovani ma drilialeruri o’diru dika.

⁹Eri oku ’ba Yudani ’diyi pi dria ’ba Benyaminini pie, ani’ba ovupi yi be engapi Efiraimu pia Manase pie, Simeoni be ’diyi pie dria, a’disiku ’ba yi ojapi ’ba eriniru engapi Israeli eselia ’diyi yi o’biru tu, yini ndrele kini Yehova Mungu eriniri ovu eri berisi.

¹⁰Ka’dini yi oku yi tualu Yerusalemua eli mudri drini towi ma mba na Asani opi nyazurisi.

¹¹Te yi oli anyapa yini opale ’diyi ma azi edetaru Yehova dri o’du ’darisi, ti ranya turu aziri, kabilo alifu aziri be.

¹²Yi azi ani aziza Yehova Mungu yi a’bipiniri ndruzu yi ma asi driasi, yi ma orindi driasi indi;

¹³azini kini ma fu ’ba Yehova Mungu Israeliniri ndrupi kuri ra, ka tro ’ba wereniri ka ’ba amboru ti, ka agupini, ti, ka okuni ti.

¹⁴Yi so oyo ’diri Yehova vu o’duko amboru pisi cere o’beza pie, guka vuza pie, ejeleko i pie.

¹⁵Te ’ba Yudani dria ovu ayikosi tu oyo soza ’di ma e’yosi; yini oyo sole yi ma asi driasi rarisi, yini eri ndrule ava yini driasirisi; te yi isu eri ra, Yehova fe di ani yi dri ava liza yi ma kalaasi kuru.

¹⁶Opi Asa nze i ma andri Maa kani pari inzizaru opi andriniriasi, a’disiku erini wura ngule onzi Ase, raniri edelerisi. Asa ga wura erini va, ’i eri irifuraru, ve eri yi raza Kidroni ma tia.

¹⁷Te pari uruleru ’diyi eri nzeni angu Israelini ma alia ku. Te ti, Asa ma asi ovu dria onyiru ewu erinisi dria.

¹⁸Eri ofi jo Yehovania afa i ma atini opele ndu ’diyi pi, afa i ma ngulupini opele ndu ’diyi be, afa dahaburu pi, afa meleru pie, imvu pie.

¹⁹Azini ’di ma vutia omba e’dani di ku, trua eli Asani opi nyazu kali na drini towiri ma alia dria.