Read lugbara 2 Suru Ma E'yo 27 Bible Online

2 Suru Ma E'yo 27 - lugbara bible

2 Suru Ma E'yo 27

¹Yotamu ovu de eli be kali iri drini towi erini e’dozu opi nyazurisi, eri nva opi Yerusalemua eli mudri drini azia, Andri ma ru Yerusa, Zadoki zi’i.

²’Ye e’yo ovupi onyiru Yehova ma miliari, ekile trotro ati Uziani ’velerile-te fini hekalu Yehovani ma lia ku. Te kiri ’ba nde yi e’yo onzi ’ye ’dani.

³Eci si;o Yehovaniri ma kalitile uruleruri, azini abi Ofeliniri ma dria eri si fudri ci indi.

⁴Eci si vini aku azini angu oni be Yudaaria, azini angu oce talaasi ’diyia eri o’ba jo amboru ’diyi pi jo izu izu ’diyi be.

⁵Azini indi ’di a’di anzi Amonini ’diyi be, aga vini yi fa. Anzi Amonini fe eri dri eli nde ’dasi onzi dahaburu turu alu, nganu ma o’biza alifu mudri, onduni o’biza alifu mudri indi. Anzi Amonini fe eri dri ’dinile trotro eli iriri ma alia, eli nari be indi.

⁶’Dini Yotamu eca di okporu, a’disiku erini geri ini edele onyiru Yehova Mungu eriniri ma miliarisi.

⁷Te e’yo azini Yotamuni ’yele ’diyi a’di erini ’dile ’diyi pie dria, geri erini pie, mi ne, yi ovu sizaru buku opi Israelini piyi ma e’yo sizu opi Yudani ’diyi beri ma alia.

⁸Eri de eli be kali iri drini towi erini e’dozu opi nyazurisi, nya opi Yerusalemua eli mudri drini azia.

⁹’Dini Yotamu la i a’bipi be, yi sa eri ma avu aku Daudiniri ma alia; Ahazi eri ma mvini nga opi nya eri ma pariani.