Read lugbara 2 Suru Ma E'yo 36 Bible Online

2 Suru Ma E'yo 36 - lugbara bible

2 Suru Ma E'yo 36

¹’Ba angu ndea ’diyi nga Yehoahazi Yosia mvi ’du, nga eri ’ba opiru i ati ma paria Yerusalemua.

²Yehoahazi ma eli de kali iri drini na ndra erini e’dozu opi nyazurisi; eri nya opi mba na Yerusalemua.

³Opi Misiriari nze eri opiasi Yerusalemua ra, li musoro angu nde ma dria dahabu onzi turu alu, mele onzi be alu.

⁴Opi Misiriari ’ba Eliakimu eri ma adripini ovuzu opiru Yuda pi ma drilia Yerusalemu be, oja runi Yehoyakimu’i; te Neko ’du di Yehoahazi eri ma adripi, ji eri Misiria ra.

⁵Yehoyakimuni de eli be kali iri drini towi erini e’dozu opi nyazurisi; eri nya opi Yerusalemua eli mudri drini alu. Eri ’ye e’yo ovupi onziri Yehova Mungu eriniri ma milia.

⁶Nebukadineza opi Babuloniari emu a’di ’dizu eri be, oti eri emvesi karamu, nga di eri ji Babulonia.

⁷Nebukadineza wu Vu! afazu Yehova vile joa ’diyi ma azi, oli yi Babulonia, o’ba di yi i vile hekalu Babuloniaria.

⁸Te e’yo Yehoyakimuni ’yele ’diyi ma joloko, e’yo onzikanyaru ngule onzi erini ’yele diyi pie, e’yo ’bani isule eri ndepi ’diyi pie, mi ndre, yi ovu sizaru buku lopi Israelia ’diyi pini Yudaa ’diyi beri ma alia; mvi Yehoyakini nya opi eri ma pariani, Yehoyakini jizu ati’boru Babuloniari

⁹Yehoyakini ovu ndra eli be aro erini de e’dozu opi nyazurisi; nya opi mba na drinia o’du mudri Yerusalemua. Eri ’ye e’yo ovupi onzi Yehova ma milia.

¹⁰Te eli o’diruni ecaria opi Nebukadineza nga ’ba ti pe eri jizu Babulonia, afazu onyiru Yehova vile joa ’diyi be, nga eri ma adripi Zedekiani ’ba ovuzu opiru Yuda pi ma drilia Yerusalemu be’i.

¹¹Zedekiani de eli be kali iri drini alu erini e’dozu opi nyazurisi; nya opi eli mudri drini alu Yerusalemua.

¹²Eri ’ye e’yo ovupi onziri Yehova Mungu eriniri ma milia, doni i e’yere nabi Yeremia ma drilia e’yo erini ’yole Yehova ma tisiri erizu ku.

¹³Azini indi mbu opi Nebukadineza ma ruaasi ra, erini ndra fezu erini oyo sozu Mungu ma rusiniri ti; te ombeni mba ’dani, asini mba ani vini kongolokoru asi ojakokoru Yehova Mungu Israeliniri vu.

¹⁴Drinisi ’ba dria atalau ma drilia ’diyi, ’ba nde be dria, eza vini e’yo amboru, ’yezu ekile e’yo onzikanyaru ngule onzi ’ba jururu ’diyini ’yelerile; yi eza jo Yehovani ndra ’bale alatararu Yerusalemuari ra,

¹⁵Yehova Mungu yi ma a’bipiniri pe ojio erini ma ti yi vu, e’yo ndesi enga o’biti drio drio yi ti pezu; erini ovule yiki be ’ba erini ’diyi pi vu pari erini ovuzuri berisi.

¹⁶Te kiri ti, yi onzo ojio Munguni ’diyi ra, yi ede e’yo erini ’yole ’diyi, yi ogu nabi erini ogu ogu, kpere aokoni Yehovani nyaria ’ba erini ma ruaaria, kpere atizani ovuzu dika yoria.

¹⁷E’yo ’disi eri eji opi Kalideyaari yi ma dria, opi nde nga karile yini ofu seisi pari alatararu yiniri ma joa, ’bani vini yiki karilau pi vu zamva be ku, ’ba ’wara pi vu mbazau be ku indi; eri fe yi dria eri ma dria.

¹⁸Afazu dria Yehova vile joa, ’wara ’diyi be nyiri ’diyi be, lonyi Yehova vile joari pie, lonyi opiniri pie, lonyi ’ba ’wara erini ’diyiniri pie, afa ’diyi dria, ji yi Babulonia.

¹⁹Yi eve jo Yehovaniri ra, onyo abi kaliru Yerusalemuniri va, ove opijo erini acisi dria, yi eza afazu erini onyi be ’diyi dria ra.

²⁰Obi ’ba yi opapi sei ma sia ra ’diyi, ji yi Babulonia, ’ba nde ofu di eri ma ati’baru anzipi be, ecazu kpere opi Perisiaarini e’dozu opi nyazuria.

²¹E’yo ’ye di i ’dini ekile trotro ndra Yehovani i’yole Yeremia ma tisirile, cazu anguni ovuzu ayikosi sabato erini ’diyi ma e’yo inzizu, a’disiku erini de ovuria andrururia yi mba o’du sabatoni ma ta, eli kali aziri dezu.

²²Te Kuro opi Perisiaari ma eli okori ma alia, e’yo ndra Yehovani Oyole Yeremia ma tisirini ecazu rinia ’yeke ani beni, Yehova enga Kuro opi Perisiaari ma asi e’yo ekuzu suru erini nyaleri ma eseliasi dria, si e’yo nde waraga ma alia indi, kini:

²³Kuro opi Perisiaari ’yo ’dini, Yehova Mungu ’buari fe opi nyaza angu wudrikuru drisi dria ’diyi ma dri ’bo, fe vini ma dri azita jo sizu erini Yerusalemu ovupi Yudaaria. ’Ba erini dria ’diyi ma azi ka ovu emi eselia, Yehova Mungu eriniri ma ovu eri be; eri ma tu uru.