Read lugbara 2 Suru Ma E'yo 4 Bible Online

2 Suru Ma E'yo 4 - lugbara bible

2 Suru Ma E'yo 4

¹Eri ede vini pari edeta edezuri molasi, oconi wuale kali iri, walani wuale kali iri indi, oconi edrezari wuale mudri.

²Eri ede vini miri ma otaka mola akazaru acisirisi, engazu tini aluria cazu tini aziria ovu wuale mudri, ede eri vururu, oconi edrezari wuale towi, tini o’bile bakasi kurururi wuale kali na.

³Etinia endrilendri tiagoni indi eri ma agei acezu wuale mudri, miri nde acezu kuru; tiago ’diyi ovu otizaru esele be iri, ede yi mola akazarusi o’du yini miri nde edezuirisi,

⁴Eri so pa endrilendri tiagoni mudri drini iri ma ngukua, na ’diyi lu andraleru, na azini ’diyi lu pari etuni ’derialeru, na azini ’diyi lu uruleru, na acepi ’diyi lu pari etuni efurialeru; miri nde ri yi ma ngukua uru, osu yi ma oro vutinialeru.

⁵Tini ma teza ovu driale alu; tini nyozari imvu tile, ekile ojo funi ayilerile; ka ga tre eco yi okozu alenia obi alifu na.

⁶Ede awala afa ojizu ’diyi mudri, ’ba towi kala dri ndiria azini towi kala dri ejiria, ’bani afa ojizu ani. Yi oji alenia afa edeta vezaruni ’diyi ra, te miriruri ovu atalau pini yi ojizu aleniani.

⁷Ede azini talapati ’diyi mudri azita yiniri vusi, o’ba yi hekalu alia, towi kala dri ndiria, azini towi kala dri ejiria.

⁸Ede vini mesa mudri, o’ba yi hekalu alia, towi kala ndiria, azini towi kala ejiria. Ede okele melesi turu alu.

⁹Ede vini azini irii ’ba edeta edepi ’diyini, irii amboruri pie, irii nde ma jotile pie, a’bu di jotile nde ma rua dria molasi.

¹⁰’Ba di miri jo ma kala dri ndiria etuni efurialeru, geri uruleruria,

¹¹Te Huramu ede imvuni pi, pauni pie, okeleni pie. ’Dini Huramu de di azi erini ’yele opi Sulemani dri jo Munguni ma aliari ra:

¹²afa in pa sopi piriru ’diyi, afa imvule ’diyi pie, dri iri ovupi afa piriru ’diyi ma dria ’diyi pie; emba iri ovupi afa pa sopi piriru ’diyi ma dri imvule ’diyi a’buzu ’diyi pie;

¹³ede indi patiefi pomegranateru turu su emba iri ’diyi ma ruaa, pomegranate nde ma otiza iri emba alu alu ma ruaa, ngazu dri iri efupi imvule afa piriru ’diyi ma dria ’diyi a’buzu ani.

¹⁴Ede alu indi afa eti o’bazu ’diyi, ede vini awala afa ojizu ’diyi eti yini ’diyi ma dria,

¹⁵miri alu pi tiago mudri drini iri ovupi etinia ’diyi pie.

¹⁶Imvu pi, pau pie, aya si be za sozu ’diyi pie, afazuni be dria, eri ma ati Huramu ede yi dria mola dipi dirisi opi Sulemani dri jo Yehovanisi.

¹⁷Angu senderu Yoridaniaria, opi ede yi ’daa mola akapi acisirisi, angu odri be Sukoti pi ma eselia Zereda beria.

¹⁸’Dini Sulemani ede di afazu ’diyi dria karakarau tu; te ’ba econi ani mola nde ma nziza isuzaru ku.

¹⁹Sulemani ede di afazu jo Munguniria ’diyi dria: pari edeta edezu meleruri pi, mesa ’bani mikate ecetaruri o’bazu driniari pie,

²⁰talapati tala yini ’diyi be dria mele alarusi, yi ma di ani azitani lelerile pari e’yo ecezaniri ma drilia;

²¹patifuni pie, talani ’diyi pie, akpani pi, ede yi dria melesi, ada mele alatararurisi;

²²afa aciolu ’duzu ’diyi pie, okeleni pie, kabile pie, ajikoa aciolu ’bazu ’diyi pie, ede yi dria mele alarusi; te pari ’bani fizu jo aliaria, jotile erini alealeru pari alatararu turi ma alia ’diyi pie, jotile amve ada hekalu ma jotile ’diyi pie, ede yi melesi ra.