Read lugbara Nehemia 10 Bible Online

Nehemia 10 - lugbara bible

Nehemia 10

¹’Ba dri tipi ’diyi yi ’di mbo Nehemia Hakalia mvi pi, Zedekia pi,

²Seraya pi, Azaria pi, Yeremia pi,

³Pasihuri pi, Amaria pi, Malikiya pi,

⁴Hatusi pi, Sebania pi, Maluki pi,

⁵Harimu pi, Meremoti pi, Obadia pi,

⁶Danieli pi, Ginetoni pi, Baruki pi,

⁷Mesulamu pi, Abiya pi, Miyamini pi,

⁸Maazia pi, Biligai pi, Semaya pie; ’ba ’diyi edeta edepi ’diyi.

⁹Azini ’ba Levini ’diyi yi ’di; Yesua Azania mvi pi, Binui Henadadi ma anzipi ma azi aluri pi, Kadimieli pi;

¹⁰azini adripi yini ’diyi, Sebania pi, Hodia pi, Kelita pi, Pelaya pi, Hanani pi,

¹¹Mika pi, Rehobi pi, Hasabia pi,

¹²Zakuri pi, Serebia pi, Sebania pi,

¹³Hodia pi, Bani pi, Beninu pie.

¹⁴Opi ’ba ongulomuru drilia ’diyi yi ’di: Parosi pi, Pahati-moabu pi, Elamu pi, Zatu pi, Bani pi,

¹⁵Buni pi, Azigadi pi, Bebai pi,

¹⁶Adoniya pi, Bigivai pi, Adini pi,

¹⁷Ateri pi, Hezekia pi, Azuri pi,

¹⁸Hodia pi, Hasumu pi, Bezai pi,

¹⁹Harifi pi, Anatoti pi, Nobai pi,

²⁰Magipiasi pi, Mesulamu pi, Heziri pi,

²¹Mesezabeli pi, Zadoki pi, Yadua pi,

²²Pelatia pi, Hanani pi, Anaya pi,

²³Hosea pi, Hanania pi, Hasubu pi,

²⁴Halohesi pi, Piliha pi, Sobeki pi,

²⁵Rehumu pi, Hasabina pi, Maaseya pi,

²⁶Ahia pi, Hanani pi, Anani pi,

²⁷Maluki pi, Harimu pi, Baana pie.

²⁸Te ’ba azini ’diyi, ’ba edeta edepi ’diyi pie, ’ba Levini ’diyi pie, ’ba kalitile agei tepi ’diyi pie, ’ba ongo ngopi ’diyi pie, ’ba Netini ’diyi pie, ’ba dria yi esele copi ’ba jururu ’diyi be yi ojapi azita Munguni vu ’diyi pie, oku yini pie, agupianzi yini pie, ezoanzi yini pie, ’ba dria e’yo nipi e’yo vaza be ’diyi pie,

²⁹yi dria alu alu eci yi adripi yini pie, opi yini pie, yi so oyo otria be kini, yi ma aci azita Munguni Musa ati’bo Mungunini feleri ma alia, yi ma mba azita Yehova opi amanirini ’diyi pi ma ta dria, e’yo o erini lile ’diyi pie, azita erini sile ’diyi pie.

³⁰Ama ngani ezoanzi amani fe je ’ba jururu ovupi angu nde ma alia ’diyi dri ku, ama ngani vini ezoanzi yini je agupianzi amani dri ku indi;

³¹azini ’ba jururu angu ndea ’diyi ma azi ka afa azini eji, kani anya cii ozizaru o’du sabatonisi, ama ngani je yi dri o’du sabatonisi, kani o’du alatararurisi ku; indi vini eli aziririsi ama nga e’yo ku, azini ama ngani mari amani a’i omvizu ku,

³²Ama azi vini azita ama dri, ama li e’yo ama ngulupi ma dria, sekeli ma esele alu nani fezu eli vusi eli vusi jo Mungu amaniriniri ma azi ’yezu:

³³mikate ecetaruri pisi, edeta anyafurasi ’dani ’daniri pie, edeta vezaru ’dani ’daniri pie, o’du sabatoni pie, mba o’diru ’diyi pie, omu pele ’diyi pie, afa alatararu ’diyi pie, edeta e’yo onzi edezu Israeli dri ’diyi pie, azi dria jo Mungu amaniriniri pie.

³⁴Azini ama’i ’ba edeta edepi ’diyi pie, ’ba Levini ’diyi pie, ama ’be odrisi eja feza ma e’yosi, eri ejizu ama a’bipi ma ori’ba vusi, o’du pele eli vusi eli vusi ’diyisi Mungu amani ma joa, eri vezu pari edeta edezu Yehova Mungu amaniriniri ma dria, ekile yini sile azita aliarile.

³⁵Indi vini ama ma eji ori amvu amanini kale okori eli vusi eli vusi jo Yehovaniria, pati ndu ndu suruti dria efi kapi okori be;

³⁶ama ma eji vini aliriaanzi amani pi Mungu amani ma joa, ekile yini sile azita ma aliarile, anyapa amani tipi oko ’diyi pie, ti tipi oko ’diyi pie, kabilo tipi oko ’diyi pie dria, yi fezu ’ba edeta edepi azi ngapi jo Mungu amaniriniri ma alia ’diyi dri;

³⁷azini ama ma eji anya agaru amaniri ma esele okori pi, edeta e’dule uru ’diyi pie, pati ndu ndu dria ma efi pie, patiefi ma su pie, odu pie, yi ejizu ’ba edeta edepi ’diyi vu, jo ale aliza Mungu amaniriniri ma alia; ama ma eji vini afa amvu amania ’diyi ma esele mudri ma azi alu ’ba Levini ’diyi dri, a’disiku ’ba Levini ’diyi yi adri esele alu mudrini amvuni ’diyi ’du aku amani vusi driani.

³⁸Te atalau edeta edepi, Aroni mvi, ma ovu ’ba Levini ’diyi be, pari ’ba Levini ’diyini esele alu mudrini nde ’diyi ’duria; te ’ba Levini ’diyi ma cii vini esele alu mudrini nde ’diyi ma esele alu mudriniri Mungu amani ma joa, jo ale aliza Mungu amaniriniri ma alia, pari ’bani lonyi ta mbazuria.

³⁹Te anzi Israelini ’diyi anzi Levini ’diyi be, yi ma eji anya pi ma edeta e’dule ururi, patiefi ma su pie, odu pie, jo ale aliza ma alia, pari alatararu pi ma afazuni ovuzuria, ’ba edeta edepi azi ngapi ’diyi pie, ’ba otile agei tepi ’diyi pie, ’ba ongo ngopi ’diyi pie. Te ama ngani Mungu amani ma jo ku ku.