Read lugbara Nehemia 12 Bible Online

Nehemia 12 - lugbara bible

Nehemia 12

¹’Ba edeta edepi azini ’ba Levini mupi ndra Zerubabeli Sealitieli mvi pi be Yesua pie ’diyi yi ’di: Seraya pi, Yeremia pi, Ezira pi,

²Amaria pi, Maluki pi, Hatusi pi,

³Sekania pi, Rehumu pi, Meremoti pi,

⁴Ido pi, Ginetoi pi, Abiya pi,

⁵Miyamini pi, Maadia pi, Biliga pi,

⁶Semaya pi, Yoyaribu pi, Yedaya pi,

⁷Salu pi, Amoki pi, Hilikia pi, Yedaya pie. ’Ba ’diyi ovu ambo ’ba edeta edepi ’diyi pi ma eselia adripi yini be ewu Yesuanisi.

⁸Azini ’ba Levini ’diyi yi ’di: Yesua pi, Binui pi, Kadimieli pi, Serebia pi, Yuda pi, Matania ovupi ongo awa’difoni dri cezu adripi erini ’diyi beri pie.

⁹Adripi yini Baki bukia pi Uno be yi oti yi yi be azi yini vusi.

¹⁰Yesua ti Yoyakimuni, Yoyakimu ti Eliasibuni, Eliasibu ti Yoyadani,

¹¹Yoyada ti Yonatanini, Yonatani ti Yaduani.

¹²Ewu Yoyakimunisi ’ba edeta edepi ’diyi yi indi, yi a’bipi ma ori’ba ma drilia: Serayaniri Meraya’i; Yeremianiri Hanania’i;

¹³Eziraniri Mesulamu’i; Amarianiri Yehohanani’i;

¹⁴Malukiniri Yonatani’i; Sebanianiri Yusufu’i;

¹⁵Harimuniri Adina’i; Merayotiniri Helikai’i;

¹⁶Idoniri Zekaria’i; Ginetoniniri Mesulamu’i;

¹⁷Abiyaniri Zikiri’i; Miniamini pini Moadia beri Pilitai’i;

¹⁸Biliganiri Samua’i; Semayaniri Yehonatani’i;

¹⁹Yoyaribuniri Matenai’i; Yedayaniri Uzi’i;

²⁰Salainiri Kalai’i; Amokiniri Eberi’i;

²¹Hilikianiri Hasabia’i; Yedayaniri Netaneli.

²²Ewu Eliasibu pini Yoyada pie, Yohanani pie, Yadua pierisi, si ’ba Levini ’diyi ovuzu a’bipi ma ori’ba ma drilia; ’ba edeta edepi ’diyi indi cazu ewu Dario ’ba Perisiaarini opi nyazuria.

²³Yi si Levi anzipi, a’bipi ma ori’ba ma drilia ’diyi ma ru buku suru ma e’yo sizuri ma alia, cazu kpere ewu Yohanani Eliasibu mviniria,

²⁴’Ba ’wara ’ba Levinia ’diyi: Hasabia pi, Serebia pi, Yesua Kadimieli mvi pie, adripi yini be otizaru yi be azi yini vusi, Mungu inzizu azini awa’difo fezu, ekile Daudi ’ba Mungunirini azilerile.

²⁵’Ba angu agei tepi jo ’bani afa ta mbazu jotilia ’diyia ’diyi yi ’di: Matania pi, Bakibukia pi, Obadia pi, Mesulamu pi, Talimoni pi, Akubu pie.

²⁶’Ba ’doyi ovu ndra ewu Yoyakimu, Yesua Yozadaki mvi ma mvinirisi, ewu ambo Nehemia pini kuhani Ezira ’ba waraga sipiri pierisi. Abi kaliru ezu Mungu dri

²⁷Te o’du yini abi kaliru Yerusalemuari fezu Mungu dririsi, yi nda ’ba Levini pari yini ma alia dria, ’dini yi ma ji yi Yerusalemua o’du yini feta nderi fezuri ma ta mbazu ayiko pisi, awa’difo ’yoza pie, ongo ngoza pie, aya coza pie, zaburi ngoza pie, o’di coza pie.

²⁸’Ba ongo ngopi ’diyi ma anzi oku yi tualu engazu angu senderu Yerusalemu ma ageiaria, azini aku ’ba Netofatia ’diyini ’diyi ma alia;

²⁹azini vini engazu Beti-giligalia, azini angu Gebaari pia, Azimaveti be; a’disiku isu ’ba ongo ngopi ’diyi si aku yini Yerusalemu ma ageisi kuru.

³⁰Te ’ba edeta edepi ’diyi pi ’ba Levini ’diyi be, yi ’ba yi ngulupi alaru; te yi ’ba ’ba ongulumuru alaru indi, kalitile pie, abi kaliruri pie.

³¹Vutinia ma eji opi Yudaa ’diyi uru abi kaliruri ma dria, ma pe ongulumu ambo iri awa’difo fezu, acizu kililiru. Ongulumu alu nga aci abi kaliruri ma dria dri ndiria cazu Kalitile Okurunyaniria;

³²yi ma vutia Hosaya nga aci opi Yudaa ’diyi ma esele be,

³³Azaria pie, Ezira pie, Mesulamu pie,

³⁴Yuda pie, Benyamini pie, Semaya pie, Yeremia pie,

³⁵’ba edeta edepi ’diyi ma anzipi ma azi guka be ’diyi pie: yi Zekaria’i, Zekariani Yonatani mvi’i, Yonatanini Semaya mvi’i, Semayani Matania mvi’i, Mataniani Mikaya mvi’i, Mikayani Zakuri mvi’i, Zakui rini Asafu mvi’i;

³⁶azini adripi erini Semaya pi, Azareli pie, Milalai ’pie, Gilalai pie, Mai pie, Netaneli pie, Yuda pie, Hanani pie, o’di Daudi ’ba Mungunirini be; Ezira ’ba waraga sipiri ce yi drini.

³⁷Te Kalitile Yi A’diniria yi tu kililiru yi ma drilia, pari otizaru ’bani tuzu aku Daudiniriarisi, pari abi kalirurini tuzu uru jo Daudini ma drilia ururia, cazu kpere Kalitile Yi A’dini etuni efurialeruria.

³⁸Te ’ba ongulumuru azini awa’dito fepi ’diyi mu dri fuzu yi be, ma mu indi yi vutia ’ba nde ’diyi ma azi ’diyi be, ama aci abi kaliri ma dria agazu jo izuru ovupi pari aciniri ma driasi cazu kpere abi kaliru walaruria,

³⁹agazu Kalitile Efiraimuari pi ma driasi, Kalitile Okuri pie, Kalitile E’biniri pie, jo izuru Hananeliniri pie, jo izutu Hameaniri pie, cazu kpere Kalitile Kabiloniria; yi oso pa oso oso ’ba angu agei tepi ’diyi vile kalitilia.

⁴⁰’Ba ongulumu tindi iri awa’difo fepi jo Munguni alia ’diyi yi oso pa ’dini, te ma indi, ’ba opiru ’diyi ma azi yi ma be;

⁴¹’ba edeta edepi ’diyi, Eliakimu pi, Maaseya pie, Miniamini pie, Mikaya pie, Elioena pie, Zekaria pie, Hanania pie, yi guka be;

⁴²Maaseya pi, Semaya pie, Eleazari pie, Uzi pie, Yehohanani pie, Malikiya pie, Elamu pie, Ezeri pie. ’Ba ongo ngopi ’diyi yi ngo ongo o’duko urusi Yezirahia ’ba yi dri cepiri pie.

⁴³Yi fe edeta kakau etu ’dasi, yi ’ba ayiko tu, Munguni fele yi ma ovu ayiko be amborurisi; te oku pi anzi be yi ovu ayikosi indi. ’Dini ayiko Yerusalemuni ovu erizaru kpere ziri.

⁴⁴Etu ndesi yi ope ’ba azini jo lonyi ma ta mbazu ’diyi pi ma agei tezu, edeta ’bani e’dule uru ’diyi pie, ori kapi oko ’diyi pie, esele alu mudrini ’diyi pie, esele amvu alia azitani lile ’ba edeta edepi ’diyi pi dri ’ba Levini ’diyi beri okuzu aku vusi aku vusi jo nde ’diyi ma alia; te Yuda ovu ayikosi ’ba edeta edepi ’diyi pi ma e’yosi ’ba Levini azi ngapi ’diyi be.

⁴⁵Te yi mba azita Mungu yinirini pi ma ta azita afa ’bazu alatararuri be, te ’ba ongo ngopi ’diyi pi ’ye ’dini indi, ’ba jotile agei tepi ’diyi be, yi ’ye ekile Daudi pini azile mvi Sulemani berile.

⁴⁶A’disiku ewu Daudi pini Asafu be ndra driorisi, ’ba ’ba ongo ngopi ’diyi ma dri cepiri ovu indi, azini ongo inzita pi fezu Mungu dri awa’difo be ’diyi indio

⁴⁷Te ewu Zerubabeli pini Nehemia berisi, Israeli dria fe ndra esele afani ’ba ongo ngopi ’diyi pi dri, ’ba jotile agei tepi ’diyi be, etu vusi etu vusi ekile ecopirile; yi ’ba afa alatararu ’ba Levini ’diyi dri; te ’ba Levini ’diyi ’ba vini afa alatararu Aroni anzipi dri indi.