Read lugbara Nehemia 3 Bible Online

Nehemia 3 - lugbara bible

Nehemia 3

¹Etu ’dasi Eliasibu kuhani amboru edeta edepiri nga enga, adripi erini kuhani edeta edepi ’diyi be, yi nga ani Kalitile Kabiloniri si’i. Yi ’ba eri ovuzu alatararu, yi edre tiko erini; yi ’ba eri alatararu cazu jo izuru Hameaaria cazu jo izuru Hananeliaria.

²Eri ma kalatia ’ba Yerikoa ’diyi sini, Yi ma kalatia Zakuri Imiri mvi sini.

³Te Hasenaa anzipi nga Kalitile E’biniri sini; yi nga pati erini o’ba, nga tiko erini edre, nga vini aya erini pi eci katala erini be.

⁴Yi ma kalatia Meremoti, Uriya Hakozi mvi ma mvi edeni. Yi ma kalatia Mesulamu, Berekia Mesezabeli mvi ma mvi’i. Yi ma kalatia Zadoki Baana mvi’i.

⁵Yi ma kalatia ’ba Tekoa ’diyi nga edeni; te ’ba ’wara yini afa azi ngazu Opi yini driri yi ma ombetia ku.

⁶Te Yoyada Pasea mvi pi nga Kalitile Okuri ede Mesulamu Besodeya mvi be; yi nga pati erini o’ba, nga tiko erini-edre, nga vini aya erini pi eci katala erini be.

⁷Yi ma kalatia Melatia ’ba Gibeoniari pi nga edeni, Yadoni ’ba Meronotiari be, ’ba Gibeonia ’diyi pie ’ba Mizipaa ’diyi be. Yi ovu ’ba amboru Yi Ara tia ’aa’dasiri ma palaa.

⁸Eci ma kalatia Uzieli Harihaya mvi edeni, onduou meleni ’divi. Eri ma kalatia Hanania, ’ba afa ji be arikariruri edepi ’diyi ma azi edeni; ’ba nde ’diyi yi ede abi kaliru Yerusalemuniri okporu cazu abi walaruri vu.

⁹Yi ma kalatia Refaya, Huri mvi, ’ba amboru Yerusalemu ma woko alu ma driliari edeni.

¹⁰Yi ma kalatia Yedaya Harumafu mvi nga edeni, jo erini vualeru; eri ma kalatia Hatusi Hasabineya mvi nga edeni.

¹¹Malikiya Harimu mvi pi nga pari azini pi ede jo izuru pari aci eduzuriari be, Hasubu Pahati-moabu mvi be.

¹²Eri ma kalatia Salumu Halohesi mvi,’ba amboru Yerusalemu ma woko alu ma driliari pi nga ede ezopi be.

¹³Hanuni pi nga Kalitile E’butiari ede ’ba Zanoaa ’diyi be; yi ede eri dika, yi o’ba pati erini, yi edre tiko erini, eci aya erini pi katala erini be, yi ede vini abikaliru wuale alifu alu, cazu kpere Kalitile Okurunya Ofuzuria.

¹⁴Kalitile Okurunya Ofuzuri, Malikiya Rekabu mvi, ’ba amboru angu Beti-hakeremuariari edeni; eri lede eri dika, edre tiko erini, eci aya erini pi katala erini be.

¹⁵Te Salumu Kolihoze mvi, ’ba amboru angu Mizipaariari nga Kalitile Yi A’diniri edeni; eri ede eri dika, si jo drinia ci, edre tiko erini, eci aya erini pi katala erini be; ede vini abi kaliru Yi Alio Selaa opi vile amvu ageiaria, cazu pari otizaru ’bani sizu va engazu aku amboru Daudinisiria.

¹⁶Eri ma kalatia Nehemia Azibuki mvi, ’ba amboru Betizuri ma woko alu ma driliari nga edeni, cazu pari nyadri Daudini ’diyi vuleruria, azini cazu yi bile biria, kpere ’ba okporu ’diyi ma joa indi.

¹⁷Eri ma kalatia ’ba Levini ’diyi nga edeni: Rehumu Bani mvi; eri ma kalatia Hasabia ’ba amboru Keila ma woko aziniri ma idriliari nga ede, angu ini ma rusi.

¹⁸Eri ma kalatia adripi yini nga edeni: Bavai Henadadi mvi, ’ba amboru Keila ma woko aziniri ma driliari’i;

¹⁹eri ma kalatia Ezeri Yesua mvi, ’ba amboru Mizipaari nga vini esele azini ede pari abi kalirurini i agozuria jo afa ombani ma ta mbazuriari vuleruria.

²⁰Eri ma vutia Baruki Zabai mvi ’ba asi mi esele aziniri edezu engazu pari abi kalirurini i agozuria cazu Eliasibu atalau amboru edeta edepiri ma jo ma tilia.

²¹Eri ma kalatia, Meremoti Uria Hakozi mvi ma mvi nga esele azini edeni, engazu Eliasibu ma jotilea cazu kpere jo Eliasibuni ma kalatini asizuria.

²²Eri ma kalatia ’ba kuhaniru engapi Angu Dalakarua ’diyi nga edeni.

²³Yi ma kalatia Benyamini pi Hasubu be yi nga abi kaliru ede yi vile jo vualeru. Yi ma kalatia Azaria, Maaseya Anania mvi ma mvi, nga ede i vile jo ageia.

²⁴Eri ma kalatia, Binui Henadadi mvi nga pari azini ede, engazu Azaria vile joa cazu pari abi kalirurini i agozuria, cazu ojinia.

²⁵Palali Uzai mvi nga ede pari abi kalirurini i agozuri vuleru, jo izu sile jo uruleru opiniri ma ruaa, ovupi irii asikari opi agei tepi ’diyiniri ma ageiari be. Eri ma kalatia Pedaya Parosi mviedeni,

²⁶(Ba Netiniadri ovu Ofelia, cazu pari ovupi Kalitile Yiari ma drilia etuni efurialeruria, azini jo izuru sile jo azini ma ruaaria).

²⁷Eri ma kalatia ’ba Tekoa ’diyi nga esele azini ede, jo nde izuru amboru sile jo azini ma ruaari vuleruria, cazu kpere abi kaliru Ofeliaria.

²⁸Kuhani ’diyi nga ede Kalitile Akanya vileri ma drile ururia, yi dria alu alu jo yi ngulupini vualeru.

²⁹Yi ma kalatia Zadoki Imeri mvi nga ede i vile jo vualeru. Eri ma kalatia Semaya Sekania mvi ’ba Kalitile Etuni Efurialeruriari ma agei tepiri edeni.

³⁰Eri ma kalatia Selemia mvi pi nga esele azini ede Hanuni Zalafu mvi aziari be. Eri ma kalatia Mesulamu Berekia mvi nga ede, jo lazu eriniri vualeru.

³¹Eri ma kalatia Malikiya onduou meleni ’diyi ma azi alu nga ede cazu ’ba Netini ’diyi ma loa, ’ba afa ozipi ’diyi ma joa indi, Kalitile Hamifikadiniri vualeru, cazu vini kpere pari tuzu uru ojiaria.

³²Onduou meleni ’diyi pi ’ba afa ozipi ’diyi be, yi ede yini engazu pari tuzu uru ojiaria cazu Kalitile Kabiloniria.