Read lugbara Nehemia 7 Bible Online

Nehemia 7 - lugbara bible

Nehemia 7

¹Eri nga eca ’dini, abi kaliru ka ovu sizaru ’bo, ma ka tiko edre pari yinia ’bo, ka vini ’ba kalitile agei tepi ’diyi pi ope ’ba ongo ngopi ’diyi pie, ’ba Levini ’diyi pie ’bo,

²ma ’ba Hanani adripi mani pi Yerusalemu ma agei tezu, Hanania agu pari okporu ma agei tepiri be, a’disiku erini ovule ’ba adanirisi, erini vini Mungu rule tu aga ’ba azini kakatu ’diyi rarisi.

³Ma nga di ’yo yi tia, Emi ma zi kalitile Yerusalemua ’diyi ku de nga etu drini ku; azini yini nga pa soria ’dani ageini teria, yi ma opi tiko kalitilia ’diyi ci, ma su katalasi. Azini ’ba Yerusalemua ’diyi ma eselia emi ma ope ’ba angu agei tezu, ’ba dria alu alu pari pele eri driria, yi dria alu alu yi vile jo vualeru.

⁴Isu de aku nderi ovu walaru tu azini nya angu amboru, te ’ba alenia ’diyi yi were, te sini nga jo ku.

⁵Te Mungu mani nga e’yo ’diri ’ba ma asia, ma ma oku ’ba opiru pi, ’ba ’wara pie, ’ba ongulumuru ’diyi pie tualu, ’ba ma la yi a’bi yini vusi. Ma nga buku ’ba emupi tupi oko ’diyi ma a’bi osizuri isu ra, te ma isu si alenia ’ dini

⁶’Ba ’diyi yi ’ba angu awaza ’darini, engapi ’ba Nebukadinezani jile ati’baru ’diyi ma eselia, emvipi Yerusalemua azini Yudaa, ’ba alu alu aku iniria ’diyi.

⁷’Ba emupi ndra tualu Zerubabeli be ’diyi yi ’di: Yesua’i, Nehemia’i, Azaria’i, Raamia’i, Nahamani’i, Moridekai’i, Bilisani’i, Misipereti’i, Bigivai’i, Nehumu’i, azini Baana’i. ’Ba Israelini ma kalafe ovu ’dini:

⁸Parosi anzi yi alifu iri turu alu drini kali aziri drini iri.

⁹Sefatia anzi yi turu na kali aziri drini iri.

¹⁰Ara anzi yi turu azia kali towi drini iri.

¹¹Pahati-moabu anzi ori’ba Yesua pini Yoabu be ’diyi, yi alifu iri turu aro drini mudri drinii aro.

¹²Elamu anzi yi alifu alu turu iri drini kali towi drini su.

¹³Zatu anzi yi turu aro kali su drini towi.

¹⁴Zakai anzi yi turu aziri drini kali azia.

¹⁵Binui anzi yi turu azia kali su drini aro.

¹⁶Bebai anzi yi turu azia kali iri drini aro.

¹⁷Azigadi anzi yi alifu iri turu na kali iri drini iri.

¹⁸Adonikamu anzi yi turu azia kali azia drini aziri.

¹⁹Bigivai anzi yi alifu iri drini kali azia drini aziri.

²⁰Adini anzi yi turu azia kali towi drini towi.

²¹Ateri anzi ori’ba Hezekiani ’diyi, yi kali oromi drini aro.

²²Hasumu anzi yi turu na kali iri drini aro.

²³Bezai anzi yi turu na kali iri drini su.

²⁴Haripi anzi yi turu alu drini mudri drini iri.

²⁵Gibeoni anzi yi kali oromi drini towi.

²⁶’Ba Betelehemua ’diyi Netofaa ’diyi be, yi turu alu kali aro drini aro.

²⁷’Ba Anatotia ’diyi turu alu kali iri drini aro.

²⁸’Ba Beti-azimavetia ’diyi yi kali su drini iri.

²⁹’Ba Kiriati-yearimua ’diyi, Kefiraa ’diyi pie, Beerotia ’diyi pie, yi turu aziri kali su drini na.

³⁰’Ba Ramaa ’diyi Gebaa ’diyi pie yi turu azia kali iri drini alu.

³¹’Ba Mikimasia ’diyi yi turu alu drini kali iri drini iri.

³²’Ba Betelia ’diyi ’ba Aja ’diyi be, yi turu alu kali iri drini na.

³³’Ba Nebo aziniria ’diyi yi kali towi drini iri.

³⁴Elamu aziniri ma anzi yi alifu alu turu iri kali towi drini su.

³⁵Harimu anzi yi turu na drini kali iri.

³⁶Yeriko anzi yi turu na kali su drini towi.

³⁷Lodi anzi,Hadidi dri ’diyi pie, Ono vile ’diyi be, yi turu aziri kali iri drini alu.

³⁸Senaa anzi yi alifu na turu oromi drini kali na.

³⁹’Ba edeta edepi ’diyi: Yedaya anzi yi ori’ba Yesua vile ’diyi, yi turu oromi drini kali aziri drini na.

⁴⁰Imeri anzi yi alifu alu drini kali towi drini iri.

⁴¹Pasuri anzi yi alifu alu turu iri kali su drini aziri.

⁴²Harimu anzi yi alifu alu drini mudri drini aziri.

⁴³’Ba Levini ’diyi: Yesua, ori’ba Kadimieli vile Hodeva anziyi eseliari ma anzipi yi kali aziri drini su.

⁴⁴’Ba ongo ngopi ’diyi: Asafu anzipi yi turu alu kali su drini aro.

⁴⁵’Ba kalitile agei tepi ’diyi: Salumu anzipi, Ateri anzipi pie, Talimoni anzipi pie, Akubu anzipi pie, Hatita anzipi pie, Sobai anzipi pie, yi turu alu kali na drini aro.

⁴⁶’Ba Netini: Ziha anzipi pi, Hasufa anzipi pie, Tabaoti anzipi pie,

⁴⁷Kerosi anzipi pie, sia anzipi pie, Padoni anzipi pie,

⁴⁸Lebana anzipi pie, Hagaba anzipi pie, Salimai anzipi pie,

⁴⁹Hanani anzipi pie, Gideli anzipi pie, Gahari anzipi pie,

⁵⁰Reaya anzipi pie, Rezini anzipi pie, Nekoda anzipi pie,

⁵¹Gazamu anzipi pie, Uza anzipi pie, Pasea anzipi pie,

⁵²Besai anzipi pie, Meunimu anzipi pie’i Nefusesimu anzipi pie,

⁵³Bakibuki anzipi pie, Hakufa anzipi pie, Harihuri anzipi pie,

⁵⁴Baziliti anzipi pie, Mehida anzipi pie, Harisa anzipi pie,

⁵⁵Barikosi anzipi pie, Sisera anzipi pie, Tema anzipi pie,

⁵⁶Nezia anzipi pie, Hatifa anzipi pie.

⁵⁷Ati’ba Sulemanini ’diyi ma anziyi: Sotai anzipi pie, Sofereti anzipi pie, Perida anzipi pie,

⁵⁸Yaala anzipi pie, Darikoni anzipi pie, Gideli anzipi pie,

⁵⁹Sefatia anzipi pie, Hatili anzipi pie, Pokeretihazebaimu anzipi pie, Amoni anzipi pie.

⁶⁰’Ba Netini ’diyi pi ati’ba Sulemanini ’diyi ma anziyi be, yi turu na kali oromi drini iri.

⁶¹’Ba engapi ndra Teli-melaa Netini ’diyi pie, ’ba Israelini be dria, Kerubia ’diyi pie, Adonia ’diyi pie, Imeria ’diyi pie yi ’di, te yi econi suru yi a’bipini, kani ori’ba yi a’bipini, kani yi Israelini yari ecezaru ku:

⁶²Delaya anziyi, Tobia anziyi pie, Nekoda anziyi be, yi turu azia kali su drini iri.

⁶³Azini ’ba edeta edepi ’diyi ma eselia: Hobaya anziyi pi, Hakozi anziyi pie, Barizilai, agu Barizilai Gileadiari ma ezopi ma azi jepi okuru, ru ini ’dapi eri ma rusiri ma anziyi pie.

⁶⁴’Ba ’diyi nda yi ma ru ru sile a’bi vusi buku alia ’diyi ma eselia ti, te isuni ku, e’yo ’disi yi omve yi ondiru, onze yi azi kuhaniniasi ra.

⁶⁵Ambo omvele Tirisatari ’yo yi tia yi ma nya nyaka alatararu turi ku, ecazu o’du ’ba edeta edepini pa soria Urimu pisi Tumimu beria.

⁶⁶’Ba ongulumuru dria tualu ma kalafe ovu alifu kali su drini iri drini turu na drini kali azia,

⁶⁷drinia ati’ba yini agupiru azini okuru ’diyi ovu alifu aziri drini turu na drini kali na drini aziri; azini ’ba ongo ngopi agupiru azini okuru ’diyi yi turu iri drini kali su drini towi.

⁶⁸Akanya farisiru yini ovu turu aziri drini kali na drini azia, akanya yini turu iri kali su drini towi,

⁶⁹ngamia yini turu su drini kali na drini towi, akanya werea ’diyi alifu azia turu aziri drini kali iri.

⁷⁰’Ba ’wara ori’ba dri cepi ’diyi ma azi fe afa yini azi ndeni. Ambo ’ba driliari fe afa sanduku lonyi ma ta mbazuri ma alia silingi darikiru meleni alifu alu, awala kali towi pie, bongo suza ’ba edeta edepi ’diyi vile ’diyi turu towi drini kali na ’diyi pie.

⁷¹’Ba ’wara ori’ba dri cepi ’diyi ma azi ’diyi fe dariki meleni alifu kali iri sanduku lonyi ma ta mbazuri ma alia, afa o’biza minaru dahabuni alifu iri drini turu iri ’diyi be.

⁷²Afa ’ba azini ’diyini feleri ovu ’dini: dariki meleni alifu kali iri, mina dahabuni alifu iri ’diyi pie, bongo ’ba edeta edepi ’diyi vile kali azia drini aziri ’diyi pie.

⁷³’Dini ’ba edeta edepi ’diyi, ’ba Levini ’diyi pie, ’ba kalitile agei tepi ’diyi pie, ’ba ongo ngopi ’diyi pie, ’ba ongulumuru ’diyi ma azi pie, ’ba Netini ’diyi pie, ’ba Israelini be dria, yi adri aku yini ’diyi ma alia.