Read lugbara Esiteri 7 Bible Online

Esiteri 7 - lugbara bible

Esiteri 7

¹’Dini opi pi emu tualu Hamani be omu nyazu Esiteri oku opiniri be.

²Te o’du irisi yini patiefi su mvuria, opi zi Esiteri tia dika, Mi le a’di afani ya, Esiteri oku opiniri? Mi nga eri isu ra. E’yo mini lele a’ileri ngoni ya? Ka tro ovu angu opini nyaleri ma ali ti, eri nga ovu fezaru mi dri ra.

³Esiteri oku opini nga di e’yo omvi ’yozu, Opi la, ma ka asi ndriza isu mi ma milia, e’yoni ka ovu mi milia onyiru, mi ma fe ma dri idri mani, mani zilerisi, azini vini ori’ba mani, mani a’ilerisi.

⁴A’disiku ’ba ole ama ’bo, ma’i ori’ba mani be, ’dini ’ba ma ja ama dri, ma fu ama, ma ini ama nyakuasi beni, Ama ka te ovu olezaru ovuzu ati’baru agupi be, oku be, ’di te ’yeke, ma te oji e’yo ’di ma dria ci; te di candi amani econi o’bizaru e’yo ewaru opini isule afani avile eri dririsiri be ku.

⁵Opi Ahasueru zi Esiteri oku opini ma tia kini, ’Ba e’yo otupi asi mbazasi e’yo ’diri ’yezuri a’di’i ya, azini eri ngoa ya?

⁶Esiteri ’yo eri tia, Juruni! Ari’boni! ’Ba onzi ’dori Hamani’i! Hamani ovu urisi amboru tu opi pi ma drilia, oku opini be.

⁷Te opi enga patiefi ma su mvuriasi adra be tu, fu mu amvu afa fu beria; te Hamani so pa uru lezu a’izu oku opini Esiteri ma tia erini i ma idri pazu, a’disiku erini ndrele opi otu e’yo eri ma asia onzi i vurisi.

⁸Opi nga enga amvu afa fu beriasi, fizu dika pari yini patiefi su mvuzuria, de isu Hamani eco i gbolo Esiterini ovuzuri ma dria; te opi ’yo ra, Eri nga vini oku opiniri uru ambosi ma ma milia jo alia ’dia ya? E’yo ’dini efuria opi ma tilia, yi a’bu Hamani ma mile ci.

⁹Haribona ati’bo alu ati’ba opini ’diyi ma eseliari ’yo ra kini, Mi ne, pati Hamanini edele Moridekai e’yo onyiru ’yopi opini pazuri ’izuri, pati nde so pa Hamani vile joa ’da, oconiri wuale o’buko’bu kali towi. Opi nga di ’yo ra, Mi ’i eri sinia.

¹⁰’Dini yi ’i di Hamanini pati erini edele Moridekaini tizuri ma sia. Adra opini nga di i de ani ndo.