Read lugbara Efuza 17 Bible Online

Efuza 17 - lugbara bible

Efuza 17

¹’Ba ongulumuru dria anzi Israelini ’diyi yi nga roko Siniariasi dria acizu ekile Yehovani azilerile, yi aso hema Refidimua; te yi mvuza ’ba nde dri ’daa yo.

²E’yo ’disi ’ba nde ’ba omba Musa be kini, Mi fe ama dri yi mvuza. Te Musa ’yo yi be, Emi omba ’ba ma be a’di e’yosi ya? Emi Yehovani o’bi a’di e’yosi ya?

³’Ba ongulumuru ovu yi avijosi ’dale, yi ono Musa dria kini, Mi ofu ama angu Misiriniasi, ama ofuzu yi avijosi anzi amani be, azini anyapa amani be a’die’yosiya?

⁴Musa owu Yehova vu kini, Ma nga ’ye sini ’ba nde ’diyi ma e’yosi ya? Ace were yi ’ye ma o’be onisi.

⁵Te Yehova ’yo Musa tia, Mi aga ’ba nde ’diyi ma drilia, mi ’du ’ba ’wara Israelini mi be tualu; mi ’du kali mini mi dria, mini ndra yi mirini cozuri, mi mu.

⁶Mi ne, ma nga pa so mi drilia ’dale oni dria Horebua; mi nga oni nderi co, te yini nga efu ani, ’dini ’ba nde ’diyi nga mvu ani beni. Te Musa ’ye ’ba ’wara Israelini ma milia ’dini.

⁷Eri omve angu nderi ma ru Masa2 azini Meriba3, a’disiku anzi Israelini yini agata galerisi, yini Yehovani o’bilerisi kini, Yehovani ama eselia ci, kani yo ya?

⁸’Di ma vutia ’ba Amalekini emu omba ’bazu Israeli be Refidimua.

⁹Musa ’yo Yosua tia, Mi ope ama dri agupi, emi fu a’di ’dizu ’ba Amalekini be; dru ma nga pa so oni dria kali Munguni be ma dria.

¹⁰’Dini Yosua ’ye Musani ’yole eri tiarile, eri ’di a’di ’ba Amalekini be; te Musa pi tu oni dria, Aroni pie, Huri pie.

¹¹Eri nga eca ’dini, Musa ka i dri eju uru ra, ’ba Israelini agani; te ka i dri omvi va, ’ba Amalekini agani.

¹²Te Musa ma dri oro oro; yi nga di oni ’du ’ba etinia ani, eri ri drinia ani, Aroni pi Huri be edre dri erini uru, ’ba alu eje aziniria, ’ba azini eje aziniria; dri erini ovu uru kiri kiri ’dani cazu etuni ’deria.

¹³Yosua ja Amaleki ma dri ’ba erini be sei sisi.

¹⁴Yehova ’yo vini Musa tia, Mi si e’yo ’diri bukua e’yo egaza fezu, azini mi olu e’yo nderi Yosua ma bilia: ma nga Amaleki ini teke teke ’bu ma etiarisi ra, ’dini ’ba ngani yi ma e’yo ega dika ku.

¹⁵Musa ede pari edeta edezuri, omve runi Yehova-nisi’i,

¹⁶te eri ’yo ra, Yehova so oyo ’bo: Yehovani nga a’di ’di Amaleki be a’bianzi vusi a’bianzi vusi ’dani.