Read lugbara Yobu 10 Bible Online

Yobu 10 - lugbara bible

Yobu 10

¹Orindi mani ande idri manisi ’bo; ma nga imvo mani owu ogakokoru; ma nga e’yo ’yo asi draza manirisi.

²Ma nga ’yo Mungu tia, Mi li e’yo ma ndezu ku fo; mi ece mi dri e’yo mini a’di ’dizu ma beri a’duni yari.

³Eri mi milia onyiru mini inzata fezu, mini azi mi dri pamvuniri edezu, mini diza fezu e’yo ’ba azi onzi ’yepi ’diyini otuleri ma dria ra ya?

⁴Mi ovu ’ba rua beri ma mile be ya? Mi adri afa ndre ’ba ndini ndrelerile ya?

⁵O’du mini yi ’ba ma o’dule ya? Eli mini yi ’ba ma o’dule ya?

⁶Mini ani ezata mani ma e’yo eti ndazu, mini e’yo onzi mani ndruzu ’dini ya?

⁷Mi ka tro ni ma ovuni ’ba onzini ku ti, azini vini, ’ba ecopi ’ba papi mi driasini aluni yo.

⁸Mi dri ’ba ma ma rua sizu driani; mi di mi oja ma dri jazu.

⁹Ma matu ’ba mi vu, mi avi ku mi si ndra ma mi’i, ’bani odri silerile; mi le ma eji irifuraru dika ya?

¹⁰Mi osu ma lesule, mi feni ma kuzu lesu kuzale ku ya?

¹¹Mi esu ma enyi pisi kalanya be ’bo, ma ecizu tualu fala pisi isu be.

¹²Mi fe ndra ma dri idri pi yiki aleruri be ra; agei teza mini mba orindi mani ma tani.

¹³Te mi zi e’yo ’diyi mi asia ci; ma ni ra e’yo ’diyi mi vu ci.

¹⁴Ma ka eza ra, mi di nga ma ne ra, mi ngani ma tru e’yo onzi manisi ku.

¹⁵Ma ka ovu ’ba onzini, candi ma dri! Te ma ka ovu kililiruni ti, ma ngani ma dri enga uru ku, drinzani ma bile turisi mani candi mani nele rarisi.

¹⁶Te ma dri ka nga i enga ra, mi ma mba kamile, mi ece vini mi osutaru ma dri aruzu;

¹⁷mi eji ’ba mini e’yo eti nzepi ma ruaa ’diyi ma azi o’diru dika, asi veza mini ma driari ezu drile drile; ari’ba ri emu ma dria ongulumuru ongulumuru.

¹⁸Ka’dini mi ofu di ma opojoasi a’disi ya? Te’do ndra ma orindi fu ’bo, te’do ndra ’ba aluni ma mile neni ma ku,

¹⁹te’do ma eco ndra ovu ekile ma yole, te’do yi ji ndra ma engazu opojoasi kpere ’bile ’ba sazuria.

²⁰0’du mani yi were ku ya? Mi ku di ja fo, mi ku nga ma, ma ma isu ani asi omiza were beni,

²¹de nga ma muni pari mani ngazu dri edazu vile dika kuria ku, ada, kpere angu iniru azini dra ma endrilendri beria,

²²angu iniciciru, ekile ini ma adale, angu dra ma endrilendri be, afa driani ovuzu saaru, pari dizanini ovuzu ekile angu bizaleri’i.