Read lugbara Yobu 17 Bible Online

Yobu 17 - lugbara bible

Yobu 17

¹Ma orindi ja dri ’bo, o’du mani de yi ra, ’bile ’ba sazuri ovu ngonde ma tezu,

²Ada, ’ba ma ogupi ’diyi yi ma ageia indi, ma mileni e’yo yini aoko fepiri ndre’dani.

³Mi fe afa ’ba onzezuri, mi fi mani tobo fezu mi ngulupi dri masi; te a’dini nga i dri zi e’yo edezu ma beni ya?

⁴Mini yi ma asi opile ci yi kazu e’yo vazu kurisi, e’yo ’disi mi ngani yi ’ba uru inzitaru ku.

⁵’Ba asu supi i agyi ma ruaa afa yini opazuri, eri ma anzipi ma mile yi nga oro ra.

⁶Eri ’ba ma ovuzu vini ajidimararu ’ba ma eselia, ma si ekile afa ’bani ngule onzi ayii ’ba ma miliarile.

⁷Candi ma e’yosi ma mileni ’ye asa asa, ma rua ma esele dria ovu ekile endrilendrile.

⁸’Ba kililiru ’diyi nga ovu osutasi e’yo ’disi, ’ba e’yo kokoruri nga i dri enga ’ba Mungu inzipi ku ’diyi ma ruaa.

⁹Te ti, ’ba kililiruri nga i ma geri bi ci, ’ba dri alaru beri nga ofu okporu drile drile.

¹⁰Te di emi dria ma emvi, emi emu di, te ma ngani ’ba onduaruri isu emi eselia aluni ku.

¹¹O’du mani yi aga ’bo, e’yo mani otule ’diyi nye yi ra, ada, asisile mani drole ma asia ’diyi.

¹²Yi oja ini eturu; yi kini, Etu eri ogogo aga angu biza ra.

¹³Ma ka Pari ’ba drazaniri te, ’ba ovuzu ma joru, ma ka ndra pari mani lazuri ede ini ma alia,

¹⁴ma ka ’yo maza ma tia, Mi ma ati’i; kani o’bu ma tia, Mi ma andri’i; kani, Ma amvi’i;

¹⁵ka’dini asi teza mani ngoa ya? azini a’dini nga asi teza maniri ndre ra ya?

¹⁶Eri nga si va kpere Pari ’ba drazaniri ma pati ringiliru ’diyi vu ra, ada, ama nga ava li tualu iriiura ali.