Read lugbara Yobu 23 Bible Online

Yobu 23 - lugbara bible

Yobu 23

¹Yobu nga di e’yo omvi kini:

²Candi mani wuleri eri andru okaru tu; coza mani eri nzizaru tu aga azo taza mani ra.

³Ma ka te pari mani ngazu eri isuzuri ni ra, ma te nga ani eca kpere eri ma oguna vu ogogo beni fo!

⁴Ma te nga e’yo mani ma ndule oti eri drilia, ma tileni gazu tre e’yo nzezasi.

⁵Ma te nga e’yo erini ngale omvile ma tiari ni ra, ma te e’yo erini ngale ’yole ma tiari va indi.

⁶Eri nga agata ga ma be i ma okpo amborisi ya? Ku; te eri nga bile co e’yo mani vu ra.

⁷’Daa ’ba kililiruri eco te e’yo nze eri be ra, ’dini ma te di ma pa iriti ’ba e’yo mani lipiri dri.

⁸Mi ndre, ma mu drile, te eri ’dale yo; ma mu vile, te ma econi eril ndrezaru ku;

⁹ma mu ma dri ejialeru eri? azangaria, te ma ecoru eri luzaru ku; eri vini i zi dri ndialeru, te ma econi vini eri ndrezaru ku.

¹⁰Te eri ni geri mani acizuri ra eri ka ma o’bi ’bo, ma nga ofu ekile melele.

¹¹Ma pa ebi i eri ma pamvua ’bo; ma mba geri erini ma ta, ma ojani ma kalaa ku.

¹²Ma asi vile azita efupi eri ma tiliari kuzu ku; ma mba e’yo ’yoza efupi eri ma tiliari ma ta ma asia ci.

¹³Te eri ma asisileri alu, a’di eco eri ojazaruni ya? Te eri afa i ma orindini leleri ’ye’i.

¹⁴A’disiku erie’yo pele ma driri ’ye’i; e’yo ’dinile ’diyi ma azi kakau ovu eri vu ci.

¹⁵E’yo ’disi ma ovu asi otiza be eri ma milia; ma ka e’yoni ega ra, ma ’ye ani erisi urisi.

¹⁶Te Mungu fe ma asini fuzuni; Okpoe’i fe ma asini otizu otini;

¹⁷a’disiku angu biza feni ma asini otizuni ku, ma asi otini vini angu biza iniciciruni ma mile a’bulerisi ku indi.