Read lugbara Yobu 24 Bible Online

Yobu 24 - lugbara bible

Yobu 24

¹Okpoe’i mbani ewu e’yo lizuri pi ma ta ku a’disi ya? ’Ba eri nipi ’diyi ndreni o’du erini ku a’disi ya?

²’Ba azini adri lokiri amvua ’diyi oja ra; yi kabilo o’biro opa okposi, yi drozu iribia.

³Yi ’ba ata kokoruri ma akanya dro yiniru; yi pa awuzi ma monio toboru.

⁴Yi ’ba alioru ’diyi ongbu geriasi ra ’ba alioru nyakua ’diyi ozi yi dria ra.

⁵Mi ndre, ekile akanya angu roko dria ’diyile yi fu muzu ’ dinile azi yinia, za ndazu asi driasi; angu rokoruri nyaka fe yi ma anzipi drini.

⁶Yi vu ase anyapa dri asea, yi ti zabibu vile ’ba azi onzi ’yepi ’diyi ma amvua.

⁷Yi la ini be rra pililiru bongo kokoru, afa yi rua a’buzu egbesini yo.

⁸Yi rua ovu yiru ozoo oyipi oni driarisi, yi ebi yi oni ruaa borokoakosi,

⁹’Ba azini adri mva ata kokoruri pa okposi andri ma ba tiasi, afa ’duzu toboru alio vu.

¹⁰Alioni aci abazu bongo kokoru pililiru; yini ovuria abiri be ti, yi anya ombele ’diyi oji ’dani.

¹¹’Ba alioru ’diyi adri odu nzi ’ba ’diyi ma joa; yini ovuria yi avijo be ti, yi zabibu ma su nzi yi dri.

¹²’Ba yi adri azo ta aku ’ba be treria, ’ba ebi be ’diyi ma orindi ri lulu oga; te Mungu lani eri e’yo azanini ’dini ku.

¹³’Ba ’doyi, yi ’ba mbupi diza ma ruaasi amve ’diyi ma azi, yi nini diza ma geri ku, yi ovuni eri ma letia ’ dani ku.

¹⁴’Ba ’ba fupiri enga o’bitisi etu be ndro; eri ’ba alioru pi ofu ’ba afa kokoruri be; inisi eri ovu oguoule. ’Ba ali o’bapiri ma mileni adri omuniruti ma mile ga, kini,

¹⁵’Ba aluni ma mile ngani ma ndre ku; eri i andreti a’bu ci.

¹⁶Inisi yi jo eti olu; etusi yi yi ti opi joa ci; yi nini diza etuni ku.

¹⁷A’disiku angu atiza ovuyi dri dria dra ma endrilendrile; yi ni dra ma endrilendri ma uri

¹⁸Emi ’yo ra kini, Yi tizani nga yi! wu mbele mbele; afa ma esele awale yiniri ovu trizaru nyakua; yi ojani yi muzu geri amvu zabibuniriarisi ku.

¹⁹Ewu ozooni ’dizu kuri pi etuka be fe yi talujinirini nzuzuni; ’dinile Pari ’ba drazaniri fe ’ba ezapi ’diyini avizuni.

²⁰Opojoni nga eri ma e’yo avi ra; eri ma ruani nga alu nyazaru o’bu ma tilia alu alu; yi ngani eri ma e’yo ega dika ku; e’yo kililiru kuri nga i nyo patile.

²¹Eri oku ondoru mva tipi kuri ma afa nya ra, eri ’yeni awuzio onyiru ku.

²²Te Munguni okpo inisi fe ’ba okpo be ’diyini ovuzu ’dani; yi enga dika ewu yini egazu yi ngani ovu idriru kurisi.

²³Mungu fe yini ovuzu e’yo ’yaasini, yi ava li ani; eri ma mileni ovu geri yini ma dria.

²⁴’Ba yi uru tu, te ace nga were yi ovu yo; ada, omvi yi ele, ji yi pari azinia ’ba azini dria ’diyile; oli yi va ’bani anya dri olilerile.

²⁵Ka ovu ’dini ku, a’dini nga ma e’da ovuzu ’ba inzo lipiriruni ya? A’dini nga e’yo mani oluleri ’ba ovuzu tokoruni ya?