Read lugbara Yobu 31 Bible Online

Yobu 31 - lugbara bible

Yobu 31

¹Ma azi e’yo aziza mile mani be; ka’dini ma eco di ani zamva ma rua luzaru ngoni ogoni ya?

²Ka’dini afa Mungu ’buarini ogale fele maniruri a’dini ya? Ma te oga awuruso ngoniri a’i Okpoe’i dri engazu ’bua ya?

³Ovuni candi amboruri, ’ba e’yo kililiru kuri ’yepi ’diyi dri ku ya? Ovuni matuni, ’ba azi oozi ’yepi ’diyi dri ku ya?

⁴Eri odreni geri maoi ku ya? Lani aci mani ma kalafe ku ya?

⁵Ma ka ndra aci e’yo toko toko ’diyi be, ma pa ka ndra ozu lokiri vu mbele mbele;

⁶(Ma o’bi ma afa nziza o’bizu kililiruri ma alia, Muogu ma ni e’yo kililiru maniri ani beni!)

⁷ma pa ka odra geri ku ra, ma asi ka odra aci li ma mileni ma vutisi, e’yo onzi ma nyebileko ka i ebi ma dria ci;

⁸ka’dini ’yeke, ma ma ri ori’i, te ’ba andi ma te oyani; ada, ma onze afa kaza ma vile amvuari ola be pi.

⁹Oku ma e’yo ka ma asi obe ra, ma ka odra mu ri eri mba ’ba ma jo ejeleari ma jotilia;

¹⁰ka’dini bani oku manini anya ’izu ’ba azinini, ’ba azinini avuzu driniani.

¹¹A’disiku e’yo ’diri te oga ovu onzikaoyaru tu; ada, eri te e’yo onzi ’ba e’yo lipi ’diyini e’yo lizu ’ba driari’i;

¹²te eri ovu aci ’ba vepi kpere Dri Jaza vuri’i, eri te nga afa kaza mani onze dria ola be pi pi.

¹³Ma ka ndra ati’ba mani agupiru ’diyi pi ma e’yo ’ba apara karu okuru ’diyi be, yini agata garia ma be;

¹⁴ka’dini ma di nga a’di ’ye, Mungi ka nga ega raria ya? Eri ka nga ’ba andri ra, ma cinga e’yo ngori omvi eri tia ’ya?

¹⁵’Ba ma rua edepi opojoani edeni vini erini ku ya? ’Ba aluri sini ama iri tro opojo ma aliani ku ya?

¹⁶Ma ka ndra ’ba alioru nde si afa erini leleri fezu ku, ma ka ndra fe awuzio ma mile ni orozu ma vu ti,

¹⁷ma ka ndra ri enya mani nya a’dule, imvoanzini nyakokoru

¹⁸(’dini yo, engazu mani ovuria karilauru, mva ’dinileri ze ma be tualu ekile i ati vurile, ma ri awuzio ’dinileri ma dre ce, kpere engazu mani efuria ma andri ma alia);

¹⁹ma ka ndra ’ba azini ndre dri jaria egbesi bongoni ovule yorisi, kani ’ba alioru afa suza akosi;

²⁰eri ma opile ka ndra ma dri asi ndriza fe ku, kani ruani ka ndra dri kabilo mani ma enyisi ku;

²¹ma ka ndra ma dri enga ’ba ata kokoruri ma ruaa eri inzazu, mani ’ba ma aza kopiri ndrele kalitilia cirisi;

²²ka’dini ma wusi fala ma tru i ti i pariasi ra, ma wu fala ma nyo vini ira.

²³A’disiku candi engapi Mungu vuri ovu mani uriuriru tu, erini ovule inzizaru turisi ma econi e’yo azini ’yezaru aluni ku.

²⁴Ma ka ndra mele ’ba ovuzu asi teza maniru, ma ka ndra ’yo mele alaruri ma tia, Mi asi ’baza maniri’i;

²⁵ma ka ndra ovu ayikosi ma afani ovule turisi, ma drini afa isule kakaurisi;

²⁶ma ka ndra etu ndre erini diria, kani mbani erini aciria mveria,

²⁷inzita yi inzizuri ka ndra ma asi obe ndindiru, mani ani ma dri ndruzu ma tilesi;

²⁸e’yo ’diri te nga vini ovu ezata ’ba e’yo lipi ’diyini e’yo lizu ’ba driari’i, ka’dini isu de di ma ga ndra Mungu ’buari si ’bo.

²⁹Ma ka ndra ovu ayikosi ’ba ma ngupirini dri alerisi, ma ka ndra ma enga afusi e’yo onzini eri isule rarisi

³⁰(ada, ma a’ini ma tileni e’yo onzi ’yezu mani eri trizu drazu ’dini ku);

³¹’ba ma vile hemaa ’diyi ka ndra ’yo kini, A’di eco ’ba trapi za erinisi kuri isuni ya? ’dinini ku

³²(te ani’bo lani geria amve ku; ma zi ma jotile ’ba acipiri dri ra);

³³ma ka ndra ezata mani oci ’bani adrile ’yelerile, mani e’yo onzi mani ziria kuria ma agatia ci,

³⁴mani ’ba ongulumuru kakau ’diyi rulerisi, mani ovule urisi ori’ba ma onzomatara ma e’yosirisi, ’dini mani ani ovuzu ciri, fuzu jotilia amve ku-

³⁵’Ba e’yo mani eripiri ka te ovu ci, onyiru tu fo! (Mi ndre, ma ti ma dri ’do! Okpoe’i ma omvi e’yo ma tia!) Ma ka te eco ovu asu ma ari’boni sile ’bori be, ’yeke!

³⁶Ada, ma te nga eri ’du ma gbudria; ma te nga eri ombe ma ruaa oku sule driarile;

³⁷ma te nga aci mani ma kalafe olu eri tia; ma te nga esi eri vu ogogo opile.

³⁸Angu mani ka otre asu suzu ma ruaa, odutini ka owu tualu

³⁹ma ka ndra efi kapi alenia ’diyi nya ofekokoru, ka ndra fe angu nde ma e’ipini odrazu ra;

⁴⁰ka’dini oci ma zo di nganu ma pariani, amba ma zo vini anya ma pariani. E’yo Yobuni ’yole ’diyi asi ’dipi.