Read lugbara Yobu 35 Bible Online

Yobu 35 - lugbara bible

Yobu 35

¹Elihu nga vini e’yo omvi kini:

²Mi ega ’diri eri e’yo kililiru miniri ya? Kani mi ’yo ra yani, kini, Ma kililiru aga Mungu ra;

³mini ’yole kini, Orodrini nga ovu mi dri ngoni ya?-risi, azini vini kini, Orodri mani ngale isuleri aga orodri mani te isule ma ka ndra eza rari ngoni ngoni ya?

⁴Ma nga e’yo omvi mi tia ra mi agyi ovupi mi be ’diyi pie.

⁵Mi lu ’bua, mi ndre; mi lu ’bu ovupi mi dria uru tu aga rari.

⁶Mi ka eza ra, mi Mungu ma ruaa a’di ’ye ya? Ezata mini ka yi ere drile drile ti, mi a’di ’ye eri vu ya?

⁷Mi ka ovu kililiru, mi eri dri a’di afa fe ya? Eri a’di afa a’i mi dria ya?

⁸E’yo onzi miniri eco ’ba mileri ezazaruni; e’yo kililiru miniri eco ’ba ori ma aza kozaru ra.

⁹’Ba yi otre inzatani ovule kakaurisi; yi wu aza koza ndazu ’ba okporu ma dri ma e’yosi.

¹⁰Te ’ba aluni ’yoni ku, kini, Mungu ma ’Bapi, ongo fepi ma dri ongozu Inisi,

¹¹Mungu ama imbapi aga anyapa asea ’diyi ra, ondua fepi ama dri aga aria ’bua ’diyi dria rari ngoa ya?

¹²Yi owu ’dale ’da, te eri omvini e’yo ku, afu ’ba onzi ’diyinisi.

¹³Ada, Mungu ngani e’yo toko toko ’diyi eri ku, Okpoe’i ngani e’yo ’dinile ’diyi ega ku.

¹⁴Ka’dini mi ka ’yo ra mi ndreni eri ku, e’yo nderi ovu eri milia, mi eri te te, ’dini, eri nga e’yo mini eri ngoni ngoni ya!

¹⁵Te curu’do erini ’ba andrile adra erini ma alia kurisi, erini vini asi afuru ma e’yo egale tu tu kurisi,

¹⁶e’yo ’disi Yobu zi ani i tile e’yo toko toko ’diyi ’yozu, eri e’yo ’yoza ere drile drile kakau nita kokoru.