Read lugbara Yobu 37 Bible Online

Yobu 37 - lugbara bible

Yobu 37

¹Asi mani oti oti e’yo ’dirisi indi, eri fu di i pariasi ra.

²Emi eri o’duko erini ma awu pi angu liza ma o’duko efupi eri ma tileari be fo!

³Eri eri ti pe ma mu ’bu dria ma etia, ovi eriniri cazu kpere angu ma kalatini asizuria.

⁴Vutinia o’dukoni no okposi; eri no o’duko erini inzitanirisi, eri omvini i ma o’duko were etu ’bani eri ma o’duko erizurisi ’dini ku.

⁵Mungu no osutaru o’duko inisi; eri ’ye e’yo ambo ambo, amani ecole vale ku ’diyi.

⁶A’disiku eri ’yo taluji ma tia, Mi ’de nyaku ma dria; ’yo vini ’dinile ozoo oyipi oyiri pi ma tia ozoo ’dipi okposiri be.

⁷Eri ’ba dria alu alu ma dri ombe ci, ’dini ’ba dria ma ni ani e’yo erini ’yele ’diyi.

⁸Anyapa asea ’diyi nga di fi pari yini yi zizu ’diyia, yi awi oji yini ma alia.

⁹Akuluku efu jo aliza woko uruleruriasi, egbe efu vini kala andraleruria.

¹⁰Ava ’yaza Munguniri fe sini, fe vini yi walaruni mbazu kongolokoruni.

¹¹Ada, eri o’ba yi iriti iniruri ma alia tre tre; eri iriti i ma oviniri aja.

¹²Eri yi oja ’dile ’dole dri ceza inisi, yi ma ’ye e’yo dria erini azile yi tiarile angu wudrikuru ’bani ovuzu aleniari ma dria.

¹³Kani eri fe yi emu ’ba imbazu, kani angu ini ma aza kozu, kani yiki ’bazu.

¹⁴Mi eri e’yo ’diri, Yobu la! Mi so pa ci, ma dro asisile ’yeta osutaru Munguni ’diyi ma dria.

¹⁵Mi ni geri Munguni yi azizuri ra ya? Geri erini fezu ovi iriti erini ma aliarini i e’dazu dizaruri ra ya?

¹⁶Mi ni geri erini iriti ma nziza o’bizuri, azi osutaru Mungu ovupi nita be turini ’diyi ya?

¹⁷Mi ni geri bongo minini ovuzu drizaru angu ka ndri tili oli engapi kala andraleruarisiri ra ya?

¹⁸Mi eco ’bu ajazaru alu eri be, ’bu nde ovupi okporu marara edele mola akapi acisirisirileriraya?

¹⁹Mi imba ama e’yo amani ngale ’yole eri ma tiari nizu, amani ecole e’yo ’yoza amani otile kilili angu biza ma e’yosi kurisi.

²⁰Yi nga olu eri tia kini ma le te e’yo ’yo, ra ya? Aguni nga le ceni ma ki i ra ya?

²¹Te curu’do ’ba econi diza dipi ’bua okposiri luzaru ku, oli ka li angu mile drozu alaru ’boria.

²²Diza meleruri efu woko uruleruriasi; Mungu su inzita uriuriruri i ruaa.

²³Eri Okpoe’ini-ama econi eri isuzaru ku; eri amboru okpo be tu, e’yo liza pisi, e’yo liza kililiru ta papi rari be, eri ngani ’ba inza ku.

²⁴E’yo ’disi ’ba yi eri ru ru; eri asini ’ba ovupi onduaru yi ngulupi ma milia ’diyisi ku.