Read lugbara Zaburi 101 Bible Online

Zaburi 101 - lugbara bible

Zaburi 101

¹Ma nga ongo ngo yiki aleruri pi ma dria e’yo liza kililiruri be; Yehova la, ma nga ongo inzitani ngo mi vu.

²Ma nga asisile ’ba acizu geri kililiruri ma alia. Mi nga emu ma vu a’dungare ya? Ma nga aci asi ezata kokorurisi jo mani ma alia;

³ma ngani e’yo toko dri fupi kuri ’ba ma milia aluni ku. Ma ngu azi onzi ’ba yi gbupi kalaa, diyiniri onzi; e’yo nde ngani i ebi ma ruaa aluni ku.

⁴Asi ambosiri nga esele co ma be re; ma ngani e’yo ovupi onziri ni aluni ku.

⁵Ma nga ’ba ’ba i ma jo ejeleari ma aji dipi ndindiruri ma dri ja ra. Ma ngani ’ba ovupi mile be afuru asi afuru beri a’i aluni ku.

⁶Te mile mani ovu ’ba a’ita be angu ma alia ’diyi vu, yi ma adri ma be ani; ’ba acipi geri kililiruri ma aliari nga azi nga ma drini.

⁷’Ba ’yepi lokirisiri ma aluni ngani adri jo mania ku; ’ba inzo lipiri aluni ngani ovu ma milia ’ dani ku.

⁸O’biti vusi o’biti vusi ma nga ’ba onzi angua ’diyi ma dri ja dria ra, ’ba e’yo onzi ’yepi ’diyi dria dri jazu ani aku Yehovani ma alia.