Read lugbara Zaburi 11 Bible Online

Zaburi 11 - lugbara bible

Zaburi 11

¹Yehova ’ba mani apazu vuniari’i; emi ’yo orindi mani ma tia kini, Mi ma apa ariale oni miniria ’dini a’disi ya?

²A’disiku mi ndre, ’ba onzi ’diyi nzo osu yini ra, yi ape ’ye yini ngonde esuba sia, yi ma gbi ani ’ba ovupi e’yo kililiru be i asiari inisi.

³Jo eti ’bani jo sizu driniari ka ovu ezazaru, ’ba onyi be ’diyi nga ’ye a’duru ya?

⁴Yehovani hekalu ini alatararuri ma alia, oguna opini Yehovaniri ’bua ci; mile erini ndre, mile ongoro’bi erini adri anzi ’bani o’bi ra.

⁵Yehovani adri ’ba onyi beri o’bi ra, te eri ma asini ’ba onziri pi ngu onzi ’ba lepi afa opapi okposiri be.

⁶Eri nga afa yi bizuri fe ’de ’ba onzi ma dria ekile ozoole; afa mvuza yini nga ga tre aci pisi, kibiriti pie, oli aciruri pie.

⁷Yehova ovule kililirurisi, eri le e’yo kililiru ra; ’ba kililiruri nga eri ma mile ndre ra.