Read lugbara Zaburi 110 Bible Online

Zaburi 110 - lugbara bible

Zaburi 110

¹Yehova ’yo opi mani ma tia: Mi ri ma dri ndiria, de nga ma ’bani ari’ba mini ovuzu afa mi pa ’bazu driniariru ku.

²Yehovani nga kali okpo minirini ma ti pe engazu Zionia. Mi ma adri opiru ari’ba mini ma eselia!

³O’du mini ovuzu okpo berisi ’ba mini nga yi fe ceni, yi ma ruani ndrizu e’yo alatararurisi. Engazu opojo o’bitiniriasi karile mini nga ovu mi dri andralile.

⁴Yehova so oyo ’bo, eri ngani i oja e’yonisi ku: Mi ovu atalau edeta edepiriru ’dani’dani ekile peza Melekizedekini pezurile.

⁵Opi ovupi mi dri ndiriari nga opiyi oso lekeke o’du erini ovuzu adrasirisi.

⁶Eri nga e’yo li suru jururu ma eselia, eri nga fe angu ma ga ’ba avusi tre; eri nga ’ba dri oso angu kakau ma alia.

⁷Eri nga yi raza werea geri tiari mvu’i; e’yo ’disi eri nga i dri enga uru.