Read lugbara Zaburi 111 Bible Online

Zaburi 111 - lugbara bible

Zaburi 111

¹Emi inzi Yehovani. Ma nga awa’difo fe Yehova dri ma asi driasi, okuza ’ba kililiru ’diyiniri ma alia, ’ba ongulumuru ma eselia.

²’Yeta Yehovani yi amboru; ’ba ovupi ayiko be ’yeta ndesi ’diyi nga yi le avasi.

³’Yeta erini ovu inzita pi diza be, onyi erini ovu ’dani ’dani.

⁴Eri fe ’ba ma ega ’yeta erini osutaru’diyi; Yehovani ’yeta anzutiri be, eri ga yikisi tre,

⁵Eri fe nyaka ’ba eri rupi ’diyi dri; eri nga aziza erini ma e’yo ega ’dani.

⁶Eri ece ’yeta erini ma okpo ’ba erini ’diyi dri, erini ’ba jururu ma angu fele yi dri awuafarurisi.

⁷Azi eri ma dripamvuru ’diyi yi e’yo ada pi e’yo liza kililiruri be; azita erini ’diyi dria yi ovu ojakokoru,

⁸ yi so pa kirikiri ’dani ’dani, yi ovu ’yezaru e’yo adaru azini kililirusi.

⁹Eri pe truta ma ti suru ini onzezu; eri azi aziza erini ovuzu kpere ’dani’dani. Ru erini ovu alatararu inzita be tu!

¹⁰Ruta Yehovani ruzuri eri ondua ma e’dozani; ’ba ’yepi ’dinile ’diyi yi e’yo va tu. Inzita eriniri adri ’dani ’dani!