Read lugbara Zaburi 112 Bible Online

Zaburi 112 - lugbara bible

Zaburi 112

¹Emi inzi Yehovani. ’Ba Yehovani rupiri ovu drilebaru, ’ba ovupi ayiko be tu azita erinisiri’i.

²Ori erini nga ovu okporu nyakua; a’bianzi ’ba kililiru ’diyini nga asi ndriza isu.

³Afa kakau ovu eri ma joa lonyi be tu; e’yo kililiru eriniri nga adri ’dani ’dani.

⁴Diza efu angu biza ma alia ’ba kililiru ’diyi dri; eri asi ndriza be, eri ga yiki pisi tre onyi be.

⁵’Ba ’yepi asi ndrizasi afa fepi mariruri ma e’yori drilebaru, e’yoni ngani eri nde e’yo liza ma alia ku,

⁶A’disiku e’yo erini nga pa so, ’dani ’dani; ’ba nga ’ba kililiruri ma e’yo ega ’dani ’dani.

⁷Eri ngani ovu urisi e’yo kuza onzirisi ku; asi erini so pa kirikiri Yehovani a’izu.

⁸Eri ’ba i ma asi okporu, ngani ovu urisi ku, de nga eri luni nyonasi ari’ba erini ma ruaa ku.

⁹Eri awa afa ini, eri fe ’ba alioru dri ’bo, e’yo kililiru eriniri ovu kpere ’dani ’dani; yi nga o’yu erini ’ba uru inzi-

¹⁰’Ba onziri nga e’yo ’diri ndre ra, eri nga ovu ani candisi; eri nga i sikala nya, eri nga afi ra; e’yo ’ba onzini leleri nga dri ja ra.