Read lugbara Zaburi 113 Bible Online

Zaburi 113 - lugbara bible

Zaburi 113

¹Emi inzi Yehova! Emi mzi, emi ati’ba Yehovani ’diyi la, emi inzi ru Yehovani!

²Ru Yehovani ma ovu inzizaru engazu curu’do cazu ’dani ’dani!

³Engazu etuni efuria troa etuni ’deria ru Yehovani ma ovu inzizaru!

⁴Yehova ovu uru tu suru dria agazu, te diza erini aga ’bu ra!

⁵A’di ovu Yehova Mungu amanirileni ya? Eri’i ripi oguna ini ma dria! ururi,

⁶te eri asi afu kokoruri be eri ma lu ani afa ’bua ’diyi pi afa nyakua ’diyi be.

⁷Eri ’ba alioru enga uru engazu irifura ma alia, azini eri ’du ’ba afa kokoru uru engazu pari ’bani daka ’bazuria,

⁸eri ma ’ba eri opi eselia ani, ada, opianzi suru erinirini ’diyi ma eselia,

⁹Eri ’ba oku ondoru ovuzu aku agei tezu, ovuzu anzi ayiaru ayikoru. Emi inzi Yehovani!