Read lugbara Zaburi 115 Bible Online

Zaburi 115 - lugbara bible

Zaburi 115

¹Yehova, ma fe diza ama dri ku fo, ama dri ku fo, te ru miniri dri, yiki aleru miniri ma e’yosi; e’yo adaru minirisi indi!

²’Ba jururu ’diyi nga ’yo a’disi ya kini, Mungu yiniri de ngoa ya?

³Te Mungu amaniri ’bua; eri ’ye ekile erini lelerile.

⁴Te wura toko yini inzile ’diyi yi dahabu pi mele be, afa ’bani edele drisi ’diyi,

⁵Yi ovu tile be, te yi ’yoni e’yo ku; yi ovu mile be ci, te yi ndi afa ku.

⁶Yi ovu bile be, te yi erini e’yo ku; yi ovu omvule be, te yi nguni ajini ku.

⁷Yi ovu dri be, te yi ’yeni e’yo yi drisi ku; yi ovu pa be, te yi acini ku; yi econi e’yo ’yo oliko yinisi ku indi.

⁸’Ba yi edepi ’diyi nga ovu trotro yile; adaru, ’ba dria yi ma asi ’bapi yi a’izu ’diyi ovu ’dinile indi.

⁹Israeli la, emi ’ba emi asi Yehovani a’izu fo! Eri ovu aza koza yini azini gombere yini.

¹⁰Emi suru Aronini ’diyi la, emi ’ba emi asi Yehovani a’izu fo! Eri ovu aza koza yini azini gombere yini.

¹¹Emi Yehovani rupi ’diyi, emi ’ba emi asi Yehovani a’izu fo! Eri ovu aza koza yini azini gombere yini.

¹²Yehova ega e’yo amani ’bo; eri nga asi ndriza fe ama dri; eri nga asi ndriza fe suru Israelini dri; eri nga asi ndriza fe suru Aronini dri;

¹³eri nga asi ndriza fe ’ba Yehovani rupi ’diyi dri, ’ba nyiri ’ba ’wara ’diyi be.

¹⁴Yehova ma fe emini ezuzu dika dika, emi’i anzi emini pie!

¹⁵Emi isu asi ndriza Yehova ’bu ’bapi nyaku beri dri ’bo!

¹⁶’Bu eri ’bu Yehovani, te eri fe nyaku anzi ’bani dri ra

¹⁷’Ba drapi ’bo ’diyi inzini Yehovani ku, ’ba sipi va angu ndiria ’diyi inzini eri vini ku indi.

¹⁸Te ama’i, ama nga Yehovani inzi engazu curu’do cazu ’dani ’dani. Emi inzi Yehovani!