Read lugbara Zaburi 116 Bible Online

Zaburi 116 - lugbara bible

Zaburi 116

¹Ma le Yehovani ra, erini o’duko mani erile matu ’baza mani berisi,

²Erini bile cole ma vu ’borisi, e’yo ’disi ma nga eri omve ’dani de ma idriru.

³Baka drani ombe ma ndra ra; ma suza Pari ’ba drazanirini bi ma ma ci; ma isu e’yo ewaru ocokoru candi be.

⁴Etu ’dasi ma omve ru Yehovani, kini: Yehova la, ma matu ’ba mi vu, mi ari orindi mani!

⁵Yehova ovu asi ndriza be, azini eri onyiru; adaru Mungu amani ovu yikisi.

⁶Yehovani ’ba lokiri kokoruri ma ta mba; yi ’ba ma va tu, te eri pa ma ra.

⁷Mi emvi ava liza mini vu, asi mani la; Yehovani ’yele mi vu asi ndrizasi ’borisi.

⁸Mini ma orindi arile drata ma alia ’bo, mindre inizu ma milia, fezu ma pani yi nzozu kurisi;

⁹ma nga aci Yehova ma milia ’ba idriru ’diyi ma angua.

¹⁰Ma a’i ra, ma ka tro ’yo, Ma ovu inzata be tu-’dinini ti;

¹¹ma ’yo asi otiza ma alia, ’Ba dria yi ’ba inzo lipi ’diyi.

¹²Ma nga afa ngoni ofe Yehova dri e’yo onyiru dria erini ’yele ma vu ’diyisi ya?

¹³Ma nga kerea pataniri ’du ra,

¹⁴ma nga Yehova ma ru omve, ma nga oyo mani sole ’diyi ma e’yo ’ye Yehova dri ra, adaru ma nga ’ye ’ba erini dria! ma milia ra.

¹⁵’Ba alatararu erini ma idri ovu Yehova ma milia afa aje nyapi turile.

¹⁶Yehova la, ma ati’bo mini adaru; ma ati’bo mini, ati’bo mini okururi ma mva. Mi tru anziriku mani ’bo.

¹⁷Ma nga edeta awa’diforu ede mi dri, ma nga ru Yehovani omve.

¹⁸Ma nga oyo mani sole ’diyi ma e’yo ’ye Yehova dri ra, adaru ma nga ’ye ’ba erini dria ’diyi ma milia,

¹⁹jo Yehovani ma iriia, mi ma alia, Yerusalemu la. Emi inzi Yehovani!