Read lugbara Zaburi 12 Bible Online

Zaburi 12 - lugbara bible

Zaburi 12

¹Mi ko ma aza, Yehova; ’ba Mungu inzipi ’diyini asile ’borisi; a’disiku ’ba asi adaru be ’diyi anu anzi ’bani ma eselia ra.

²’Ba dria alu alu yi e’yo inzoru ’yo ’ba yi ma aku ejeleari ma tia; yi e’yo ’yo tile ’ba icizu inzita inzoru berisi, asi irisi indi.

³Yehovani nga ’ba ’ba icipi inzita inzorusi ’diyi ma tile dri ja ra, andre e’yo amboru ’yopi afusiri indi,

⁴’ba ’yopi ’dinile ’diyi, kini, Ama nga aga andre amanisi ra, tile amaniri amani; a’dini opiru ama driliani ya?

⁵Yini ’ba alioru ma afa opalerisi, azini wuca ’ba wupi afaakosi ’diyiniri ma e’yosi indi, ma di enga ra, Yehova ’yo ra; ma nga ’ba ’bani engale afusi vuniari ’ba pari candi kokoruria ra.

⁶E’yo Yehovani ’yole ’diyi yi e’yo alaruni, ekile dahabu ’bani o’bile acisi nyakuarile, ’bazaru alaru paleko aziri.

⁷Mi nga yi ma agei te, Yehova, mi nga yi ma ta mba suruanzi ’diyi dri ’dani.

⁸’Ba onzi ’diyi ad kalaasi dria, ’bani e’yo alatara kokoruri inziria anzi ’bani ma eselia.