Read lugbara Zaburi 121 Bible Online

Zaburi 121 - lugbara bible

Zaburi 121

¹Ma nga mile mani enga uru oni vu. E’yo ma aza kopiri ibi enga ngoa ya?

²E’yo ma aza kopiri ibi enga Yehova nyaku ’bapi ’bu beri vu.

³Eri ngani a’i mi pani abazu ku, o’du ngani ’ba mi agei tepiri ’be ku.

⁴Mi lu, o’du ’beni agu Israeli ma agei tepiri kaukau ku, azini koni o’du ku.

⁵Yehovani mi agei teni; Yehovani endrilendri mini mi dri ndiriari’i.

⁶Etu ngani mi dri ve etusi ku, mba ngani vini mi fu inisi ku,

⁷Yehovani nga mi agei te e’yo onzi driasi; eri nga idri mini ma ta mba ra.

⁸Yehovani nga fuza mini ma agei te fiza mini pie dria, engazu curu’do kpere ’dani ’dani.