Read lugbara Zaburi 129 Bible Online

Zaburi 129 - lugbara bible

Zaburi 129

¹Inza ma pale kakau engazu ewu mani adrizu karilaururisi ecazu curu’do, Israeli ma ’yo ’dini-

²Inza ma pale kakau engazu ewu mani adrizu karilaururisi ecazu curu’do, te ti, yi agani ma ku.

³Yi ’ya ma nguku ekile ’bani nga ’yale e’busirile; yi ga ’bile izuru.

⁴Yehovani onyiru; eri oli ’ba onzi ’diyi ma baka ’bo.

⁵Onyiru ’ba dria Zionini ngupi onzi’diyi ma isu drinza, ma oja yi vile!

⁶Onyiru yi ma oro ekile ase engapi jo dria ’wipi oko de nga eri zoni ambo kurile;

⁷’ba ngani ase saaru ’diri isu ’ba anya lopiri ma dria ku, azini ’ba okupiri ngani eri omvu agatia ekile anyale ku;

⁸’ba agapi geria ’diyi ngani ’yo kini, Asi ndriza Yehovani ma ovu emi dria! Ama le emi ma isu e’yo onyiru ru Yehovanisi! ’dinini ku.