Read lugbara Zaburi 13 Bible Online

Zaburi 13 - lugbara bible

Zaburi 13

¹Ewu ngopi ya, Yehova? Mi dri nga avi e’yo manisi ’dani ya? Mi nga ri mi mile zi masi ewu ngopi ya?

²Ma ma ri ma asisile dro mani de ovuria candisi asi mani ma alia etu dria ewu ngopi ya? Ari’ba mani yi nga ovu ’bazaru uru ma agazu ewu ngopi ya?

³Mi ega e’yoni, mi omvi e’yoni ma vu fo, Yehova Mungu mani; mi fe diza ma milia, ma kazu o’du koza drataniri kozu ku;

⁴ari’bo mani kazu ’yozu kini, Ma aga eri ’bo, ’dini ku; ari’ba mani kazu ovuzu ayikosi mani abaria ku.

⁵Te ma ’ba ma asi yiki aleru miniri a’izu ’bo; asi maniri nga ovu ayikosi pata minisi ra.

⁶Ma nga ongo ngo Yehova vu, erini ’yele ma vu asi ndriza agapi turisirisi.