Read lugbara Zaburi 130 Bible Online

Zaburi 130 - lugbara bible

Zaburi 130

¹’Bile alia va ma owu mi vu, Yehova!

²Opi, mi eri o’duko mani fo Mi co bile zita mani zile mi tiari erizu!

³Te Yehova, mi ka e’yo onzi ’bani la, Opi la, a’dini nga pa so mi drili ni ya?

⁴Te asi ndriza e’yo onzi wuzuri mi vu ci, ’ba ma ru mi ani beni,

⁵Ma Yehovani te, orindi manini te indi, ma e’yo erini te asi tezasi;

⁶orindi maniri Opini te aga ’ba angu agei tepirini angu atiza teleri ra, ada, aga ’ba angu agei tepirini angu atiza teleri ra.

⁷Israeli la, emi te Yehovani asi tezasi fo! A’disiku yiki aleruri Yehova vu, ’ba onzezu e’yo onzi kakau ma eseliari vini eri vu ci.

⁸Eri nga Israeli onze e’yo onzi yini ma aliasi driani.