Read lugbara Zaburi 132 Bible Online

Zaburi 132 - lugbara bible

Zaburi 132

¹Yebova, mi ega candi Daudini isuleri ma e’ya dria;

²e’ya erini ndra oyo sozu Yehova vuri, e’ya erini azile Mungu Okpo be Yakoboniri vuri, kini:

³Ada, ma ngani fi jo mani ma alia ku, ma ngani vini la gbolo mani ma dria ku;

⁴ma ngani fe mile manini a’du kozu ku, o’du ngani ma mile ongoro’bi aso ku indi,

⁵de nga ma isuni pari Yehova dri azini bere Mungu Okpo be Yakabaniri dri ku.

⁶Mi ne, ama eri e’yo sanduku ’dirini amani avuria ndra Efirataa ’dale, ama isu eri amvu Yearimuaria.

⁷Ama nga mu fizu bere Munguniria; ama nga inzi pari eri ma pa ’bazuria!

⁸Mi enga, Yehova, mi fi pari mini ava lizuria fa, mi’i, sanduku alatararu okpo minirini be.

⁹Kuhani mini ’diyi ma su e’ya alatararu, ’ba alatararu mini ’diyi ma otre ayikasi.

¹⁰Daudi ati’bo mini ma e’yosi mi ma omvi ’ba mini odu osule driniari ma mile vile ku.

¹¹Yehova so ndra oyo Daudi be ci e’yo adasi, eri ngani e’yo nderi oja ku: Ma nga ’ba mi oriru ’diyi ma azi pe rizu oguna mini opiniri ma dria.

¹²Anzi mini ka nga aziza mani ma ta mba, e’yo eti nzeza mani, mani ngale ecele yi driri be, a’bianzi yini vini nga ri oguna mini opiniri ma dria ’dani ’dani indi.

¹³A’disiku Yehova pe Zionini ’bo; eri le Zioni ma ovu pari erini ovuzuriru:

¹⁴’Diri pari mani ava lizu ’dani ’daniri’i; ma nga ovu ’doa, mani pari ’diri lele rarisi.

¹⁵Ma nga asi ndriza fe onyoko erini dria; ma nga enya fe fudri ci ’ba alioni Zionia ’diyi dri, yi nga tra ani.

¹⁶Ma nga kuhani erini ’diyi osu patasi, azini ’ba alatararu erini ’diyi nga otre ayikosi O’duko urusi.

¹⁷’Daa ma nga fe o’yu Daudini ma idi zo ambo; ma ede tala ’ba mani odu osule driniari dri ’bo.

¹⁸Ma nga ari’ba erini ’diyi osu drinzasi, te eri ma ngulupi ma dria oku opiniri nga ovu inzita be ’dani.