Read lugbara Zaburi 135 Bible Online

Zaburi 135 - lugbara bible

Zaburi 135

¹Emi inzi Yehovani. Emi inzi ru Yehovani, emi inzi eri, emi ati’ba Yehovani ’diyi la,

²emi ’ba pa sopi jo Yehovani ma alia, Mungu amaniri ma irii alia ’diyi!

³Emi inzi Yehovani, a’disiku Yehovani onyiru; emi ngo ongo eri ma ru inzizu, erini ovule aluzarurisi!

⁴A’disiku Yehova pe Yakoboni i ma ngulupiniru ’bo, pe Israelini afa i ma ngulupiniriru.

⁵A’disiku ma ni ra Yehovani amboru, azini Opi amani eri aga adrou dria ra.

⁶E’yo ngoni ngori Yehovani leleri, eri ’ye ra, ’bua, azini nyakua, miri alia, azini pari aliru ’diyi ma alia dria.

⁷Eri fe apurusa ma enga wudrikuru ma kalatini asizuria, eri ’ba ovi ma ga ozoo ma eselia, eri oli ofu pari ini lonyi ta mbazuri ma aliasi ra.

⁸Eri ofu ndra aliriaanzi Misiria ’diyi, ’ba anzi pi anyapa anzi be;

⁹eri ope ndra tali ambo ambo ’diyi pi ma ti e’yo osutaru ’diyi be mi eselia, Misiri la, Farau pi ma dria ati’ba erini ’diyi be dria;

¹⁰eri co ndra suru kakau, eri ofu opi okporu ’diyi,

¹¹Sihoni opi ’ba Amorini pi, Ogi opi Basaniari pie, suru dria Kanania ’diyi pie,

¹²eri fe angu yini ovuzu awurusoru, awuruso ’ba erini Israelini ’diyi driri’i.

¹³Yehova la, ru mini ovu ’dani ’dani, yi nga ru mini ma e’yo ega ewule ewule, Yehova.

¹⁴A’disiku Yehovani nga ’ba erini ma e’yo li ra, eri nga asi erini oja ati’ba erini ’diyi ma e’yosi.

¹⁵Wura toko suruni inzile ’diyi yi dahabuni azini meleni, afa ’ba drini edeleni ’diyi.

¹⁶Yi ovu tile be, te yi ’yoni e’yo ku, yi mile be, te yi neni angu ku,

¹⁷yi ovu bile be, te yi erini e’yo ku, ava ovuni yi ma tilia ku.

¹⁸’Ba yi edepi ’diyi nga ovu ekile yile!- ada, ’ba dria yi a’ipi ’diyi yi ’dini indi!

¹⁹Suru Israelini, emi inzi Yehovani fo! Suru Aronini, emi inzi Yehovani fo!

²⁰Suru Levini, emi inzi Yehovani fo! Emi ’ba Yehovani rupi ’diyi, emi inzi Yehovani fo!

²¹’Ba ma inzi Yehovani Zionia, eri’i ovupi Yerusalemuari! Emi inzi Yehovani!