Read lugbara Zaburi 136 Bible Online

Zaburi 136 - lugbara bible

Zaburi 136

¹Emi fe awa’difo Yehova dri, erini ovule onyirurisi, yiki aleru erinirini ovule ’dani ’danirisi.

²Emi fe awa’difo Mungu adrou dria ma driliari dri, yiki aleru erinirini ovule ’dani ’danirisi.

³Emi fe awa’difo Opi opiniri dri, yiki aleru erinirini ovule ’dani ’danirisi;

⁴eri’i a’dule e’yo osuzaru ambo ambo ’diyi ’yepiri dri, yiki aleru erinirini ovule ’dani ’danirisi;

⁵eri’i ’bu ’bapi i ma onduasiri dri, yiki aleru erinirini ovule ’dani ’danirisi;

⁶eri’i nyaku ajapi yi driari dri, yiki aleru erinirini ovule ’dani ’danirisi;

⁷eri’i diza ambo ambo ’diyi o’bapiri dri, yiki aleru erinirini ovule ’dani ’danirisi;

⁸etuni ovuzu ani opiru angu atiza ma drilia, yiki aleru erinirini ovule ’dani ’danirisi;

⁹mba pini ovuzu opiru ’bi’bio be ini ma drilia, yiki aleru erinirini ovule ’dani ’danirisi;

¹⁰eri’i aliriaanzi Misiria ’diyi ofupiri dri, yiki aleru erinirini ovule ’dani ’danirisi;

¹¹eri ofu Israeli ’ba nde ’diyi ma eseliarisi, yiki aleru erinirini ovule ’dani ’danirisi;

¹²dri okporurisi wu ejuza be, yiki aleru erinirini ovule ’dani ’danirisi;

¹³eri’i Miri Ekaru ma esele awapi iriri dri, yiki aleru erinirini ovule ’dani ’danirisi;

¹⁴eri fe Israeli aga eseleniasi, yiki aleru erinirini ovule ’dani ’danirisi;

¹⁵te eri o’be Farau pi va asikari erini ongulumuru ’diyi be, abazu Miri Ekaru ma alia, i yiki aleru erinirini ovule ’dani ’danirisi;

¹⁶eri’i ’ba ini ma dri cepi roko driari dri, yiki aleru erinirini ovule ’dani ’danirisi;

¹⁷eri’i opi ’wara ’diyi dri japiri dri, i yiki aleru erinirini ovule ’ dani ’danirisi;

¹⁸eri’i opi ru kupi tu ’diyi ofupiri dri, yiki aleru erinirini ovule ’dani ’danirisi;

¹⁹Sihoni opi ’ba Amorini ’diyi ma driliari pi, yiki aleru erinirini ovule ’dani ’danirisi;

²⁰Ogi opi Basaniari be, yiki aleru erinirini ovule ’dani ’danirisi;

²¹eri fe angu yini awurusoru, yiki aleru erinirini ovule ’dani ’danirisi;

²²adaru awurusoru ati’bo erini Israeli dri, yiki aleru erinirini ovule ’dani ’danirisi.

²³Eri ega ndra e’yo amani, amani ndra ovuria ele tu, yiki aleru erinirini ovule ’dani ’danirisi;

²⁴eri opa ama juru amani ma dria, yiki aleru erinirini ovule ’dani ’danirisi;

²⁵eri’i nyaka fepi afa rua ari be ’diyi dri driari, yiki aleru erinirini ovule ’dani ’danirisi.

²⁶Emi ’yo awa’dia Mungu ’buari dri fo, yiki aleru erinirini ovule ’dani ’danirisi!