Read lugbara Zaburi 138 Bible Online

Zaburi 138 - lugbara bible

Zaburi 138

¹Ma nga awa ’dia ’yo mi ria ma asi driasi; ma nga mi ru inzi ongosi adrou ’diyi ma drilia;

²ma nga kumuti osi mi inzizu, ti fezu hekalu mini alatararuri vu, ma nga awa’difo ’yo ru mini inzizu yiki mini ale berisi azini e’yo adaru minirisi; mini e’yo mini ’bale amboru ru mini ma drilia driarisi.

³O’du ndra mani owuzu mi vurisi mi a’i ma dri ra, mi omi ma asi orindi mani ’bazu okporu.

⁴Yehova la, opi nyakua ’diyi dria yi nga mi dri awa’difo fe, yini e’yo efupi mi tilia ’diyi erile ’borisi;

⁵ada, yi nga ongo ngo geri Yehovani ’diyi ma e’yo ecezu, diza Yehovanini ovule amborurisi.

⁶Yehovani ovule ururi ti, eri ’ba ’bapi ele ’diyi ma e’yo ega ra; te eri ’ba asi afu be ’diyi ne re ’dale.

⁷Mani aciria candi ma alia ti, mi nga ma asi omvi ra; mi nga mi dri eju ari’ba mani ma adra ma dria, dri ndi miniri nga ma pani.

⁸Yehovani nga azi onyiru ini de manini; Yehova la, yiki aleru miniri ovu ’dani ’dani. Mi ku azi mini ’yele mi drisiri ku fo. (Ba ongo dri cepiri dri, Zaburi Daudini.)