Read lugbara Zaburi 139 Bible Online

Zaburi 139 - lugbara bible

Zaburi 139

¹Yehova la, mi nda asi mani ma ale ’bo, mi ni ma ra!

²Mani riria azini mani engaria, mi ni ra; mi va egata mani de yi re ’dale.

³Mi acita mani geriari pi o’bi laza mani vari be, mi geri mani ’diyi oni dria.

⁴E’yo aluni ma andre etia mini nile kuni yo, Yehova la, mi ni eri teketeke.

⁵Mi omi ma vile azini drile, azini mi ti mi dri ma dria.

⁶Ondua ’diri ovu osutaru tu, eri aga eyikiza mani ra; eri ovu uru tu, ma econi cazu vunia ku.

⁷Ma nga mu apazu Orindi minirisi ngoa ya? Pari mini ovuzu yo mani apazu aniri ngoa ya?

⁸Ma ka tu uru ’bua, ’dale mi indi! Ma ka pari mani lazuri ede Pari ’ba drazaniria, mi ne, ’dale mi indi!

⁹Ma ka sa opile o’bitinirisi, ma ka ovu miri ma kala asizuria ti,

¹⁰’dale indi mi nga ma dri ce dri minisi, mi nga ma bi mi dri ndirisi ra.

¹¹Ma ka ’yo ra kini, Adam inini nga ma a’buni, te etu ma ageiari ma eca iniru:

¹²adaru, ini econi afa zizaru mi ma milia ku, te iniri dizaru ekile etule; ini pi etu be yi trotro mi ma milia cinyaniri aga ra. Mani engaria o’duasi, ma ovu nga mi be ’dani.

¹³Mi si ndra ma ale mi’i, mi eci ma dria tualu ma andri ma opojoa.

¹⁴Ma nga mi inzi, a’disiku geri mini ma ’bazuri uriuriru azini osuzaru! ’Yeta mini ’diyi ovu osuzaru! Asi mani ni e’yo ’diri tu ndi ndi.

¹⁵Falako mani ovuni ndra zizaru mi dri nikokoru ku mini ma ederia pari zizaruri ma alia, mini ma ’baria onduasi pari ele tu nyaku aliaria.

¹⁶Mi mile ne ndra ma ra, de nga edeni ma rua be ku; mi si rua mani ma esele alu alu dria buku mini ma alia, o’du mini edele ma dri ’diyi pie, de nga yi ovuni aluni ku.

¹⁷Asisile mini indi yi ovu aluzaru tu ma vu ’doni ya, Mungu la! Kalafe yini ovu amboru tu aga ra! Ma ka o’bi yi lazu, yi kalafe cinyaniri aga ra. Mani engaria o’duasi, ma ovu nga mi be ’dani.

¹⁸Ma ka o’bi yi lazu, yi kalafe cinyaniri aga ra. Mani engaria o’duasi, ma ovu nga mi be ’dani.

¹⁹Adaru, mi nga ’ba onzi ofu, Mungu; emi nga ma ageiasi, emi ’ba lepi ari adapi ’diyi.

²⁰A’disiku yi e’yo onzi ’yo mi dri, ari’ba mini yi mi ru co toko

²¹Yehova la, ma nguni ’ba mi ngupi onzi ’diyi ku ya? Asi mani isuni candi yini engale omba ’bale mi berisi ku ya?

²²Ma ngu yi onzi asi driasi; ma la yi ari’ba maniru.

²³Mi ma nda asi mani ma ale fo, Mungu, mi ma ni asi mani! Mi o’bi ma fo, mi ma ni eyikiza mani!

²⁴Mi ne geri onzi ka ovu ma alia ci yani, mi ce ma dri geri ’dani ’daniri ma alia fo! (’Ba ongo dri ecepiri dri. Zaburi Daudini.)